Quick Facts
Biography
Christoph Otto von Düring (* 1691; † 1770) weer en düütschen Verwaltungsbeamten.
Von Düring is 1691 as Söhn von Eleonora Catharina, borene Clüver (üm 1654–1722), un Otto Magnus von Düring († September 1718) boren. He weer Arvherr op Good Marßel un von 1739 bet 1746 Greev von dat Grevengericht Bützfleet. 1746 is he as Drost in dat Amt Ahlden versett worrn, wat he bet to sien Dood 1770 bleven is.
Von Düring hett 1719 Sophie Philippine Wolff von Gudenberg (12. Juli 1698–17. Dezember 1752) freet. De beiden harrn ünner annern de Kinner Otto Moritz (* Februar 1721), Friedrich Immanuel Renatus (* Oktober 1722), Louise Sophie Wilhelmine (* Dezember 1723), Friedrich Engelbert Augustus (* August 1725), Henrich Carl Christian (* Juli 1726) un Ernst Christoph Friederich (24. April 1738–20. Oktober 1809). In twete Eh hett he an’n 26. Dezember 1754 Hedwig Sophia Friederike von Issendorf (28. September 1703–30. Juli 1781) freet.