Quick Facts
Biography
Christine Rosholt (* 3. Januar 1965 in Minneapolis; † 27. Dezember 2011 ok dor) weer en US-amerikaansch Jazzsingerin.
Rosholt het hör Afsluss an de Minneapolis Children’s Theater Company & School maakt un kreeg den Bachelor in Performance Art un Fotografie an dat Art Institute of Chicago. Se is tonächst in Theater as Schauspelerin un Singerin uptreden. Anfang vun de 2000er Johren fung se an as Jazzsingerin in Clubs vun hör Heimatstadt uptotreden, ünner annern as Bandsingerin vun de Beasley’s Big Band. Se hett in hör Gesang Inflooten vun Anita O’Day, Ella Fitzgerald, Billie Holiday, Blossom Dearie un Frank Sinatra verarbeit. 2008 legg se hör Debütalbum Detour Ahead bi Lipstick Records vör. In dat Album wurr ok en Titel vun Billy Strayhorn mit upnommen. 2009 folg dat Livealbum Live at the Dakota Jazz Club. Kört vör hör unverwacht Dood Enn’ Dezember 2011 hett se noch hör letzt Album Pazz fardig stellt, dat mit den britschen Songwriter Kevin Hall entstahn weer.
Scott Yanow hett hör Gesang as „a subtle but powerful voice, one that sneaks up on the listener and makes a surprisingly strong impression.” würdigt.