Cho Sung Ho

Cho Sung Ho esperantistiĝis en 1973 kaj aktivis en la movado, interalie kiel ĉefredaktoro de gazeto La Espero el Koreio kaj vicprezidanto kaj membro de la lingva komitato de Korea Esperanto-Asocio.

Inter liaj verkoj troviĝas:

• Ĉunhjang: Koreaj Rakontoj (traduko, 1975)
• Elementa Kurslibro de Esperanto (1980, kaj pluraj eldonoj)
• La Bildstria Gvido al Genetiko (traduko, 1996)
• Koreaj Malnovaj Rakontoj (traduko, 1997)
• Bunsun kaj Aiko (originala rakonto, 2020) (Jutuba recenzo)
• Monate kaj Kontakte (kolekto de artikoloj, 2023)

Li ankaŭ kompilis la verkon Korea Antologio de Noveloj (1999 kaj 2017) kaj tradukis ĝiajn kvin novelojn.

• Li ricevis la Premion Grabowski de Universala Esperanto-Asocio (2000).

• Li partoprenis en la reviziado de Nova Plena Ilustrita Vortaro (2002) pri la fakoj de Biologio kaj Fiziologio kaj de Botaniko.

• Li estas korespondanto de Monato ekde 2021 kaj ankaŭ verkas por Kontakto.

• Diplomite pri biologio ĉe Seula Nacia Universitato (1977), li studis plu en Usono kaj gajnis doktorecon ĉe la Universitato de Teksaso en Austin en 1987. Li laboris kiel esploristo (1988-1990) ĉe la Nacia Centro por Esplorado pri Agrikultura Utiligado, Peoria, Ilinojso.

• Reveninte al Koreio, li fariĝis profesoro pri molekula biologio kaj biokemio ĉe Inha Universitato en 1991 kaj eksiĝis en 2015. Li verkis dekojn da fakaj publikaĵoj en la angla.

• Authors by language/Esperanto
• "literaturo.esperanto.net" Originala Literaturo Esperanta