Cecilia Callebert

Cecilia Callebert (Sient-Jan (Yper), 31 juli 1884 - Roeseloare, 12 februoari 1978) wos e West-Vlamsche pianiste en componiste.

Ze schrêef surtout religieus g'inspireerde muziek en ze werkte der an mee vor in Roeseloare de muziekacademie uut te bouwn, genoemd noar Adriaan Willaert.

In 1904 is ze met de fanfare ofg'hoald van de stoasje van Roeseloare en in stoet noa 't stadhuus gebrocht, omda z' en êeste prys g'hoald hoad in Brussel.

De schryver Jef Anseeuw heet in 2002 e monografie geschreevn over heur leevn.

In november 2009, 125 joar achter heur geborte, heet den burgemêester van Roeseloare Luc Martens e nieuw beeld vor heur ing'huldigd ip 't plingsgie in de Bollenstroate in Roeseloare, woa da Cecilia Callebert zelve nog geweund heet ip numero twoalve. 't Beeld is gemakt deur Isidoor Goddeeris.

• Biografie
• Standbeeld voor vergeten pianovirtuoze
• Cecilia Callebert is weer thuis