Carlos Iglesias Cores

Carlos Iglesias Cores, nado na Illa de Arousa en 1981, é un político galego do PSdeG-PSOE.

É licenciado en Dereito. Nas municipais de 2011 foi o número 2 do PSdeG-PSOE na Illa de Arousa, sendo primeiro tenente de alcalde, concelleiro de urbanismo e portavoz do goberno. Nas municipais de 2015 encabezou a candidatura socialista, trala renuncia a presentarse á reelección do alcalde José Manuel Vázquez Vázquez, e foi elixido alcalde con maioría absoluta. Foi reelixido alcalde con maioría absoluta tralas municipais de 2019. En decembro de 2019 foi elixido vicepresidente da Mancomunidade do Salnés. Non se presentou á reelección nas municipais de 2023, sendo sucedido á fronte do PSdeG e finalmente da alcaldía polo seu compañeiro Luís Arosa.

Outros artigos

• Eleccións municipais na Illa de Arousa

Ligazóns externas

• Carlos Iglesias asume Urbanismo y será el portavoz del gobierno. La Voz de Galicia (en castelán).
• «Os auténticos irredutibles somos nós» (26/5/2015). La Voz de Galicia.
• Carlos Iglesias, alcalde de A Illa: «No tengo hijos; vivo bien» (21/9/2021). La Voz de Galicia (en castelán).

1. ↑ Carlos Iglesias no se volverá a presentar como candidato a la Alcaldía de A Illa de Arousa