Carl Ludwig von Zesterfleth

Carl Ludwig von Zesterfleth (* 30. Mai 1784 in Stood; † 6. Juli 1825 in Jörk) weer en düütschen Verwaltungsbeamten.

Von Zesterfleth is 1784 in Stood boren. He hett Juristeree an de Universität Göttingen studeert un is na dat Studium in’n hannöverschen Staatsdeenst gahn. He weer toeerst Auditer bi dat de Ämter Ostroe un Bremervöör. 1810 is he Drost worrn. In de Franzosentied hett he den Deenst as Beamten opgeven. As 1813 de Franzosen wedder verdreven worrn sünd, is he Riddmeester bi dat Hannöversche Husarenregiment Bremen-Veern worrn. He hett den Feldtog dör Mekelborg un Holsteen un den dör Brabant mitmaakt. Na de Slacht von Waterloo is he wedder in den zivilen Staatsdeenst trügg. He hett 1817 dat Amt as Greev von dat Grevengericht Oolland in Jörk övernahmen un is dat bet to sien Dood 1825 bleven.

1. ↑ Neuer nekrolog der Deutschen. B. F. Voigt, 1827, Band 3, Sied 1487