peoplepill id: caius-rutilius-gallicus
CRG
Italy
1 views today
1 views this week
Caius Rutilius Gallicus

Caius Rutilius Gallicus

The basics

Quick Facts

A.K.A.
Gaius Rutilius Gallicus
Places
Work field
Gender
Male
Birth
Place of birth
Turin, Province of Turin, Piedmont, Italy
Death
The details (from wikipedia)

Biography

Gaius Rutilius Gallicus (natus circa 25, mortuus sive 91 sive 92) fuit senator Romanus Augusta Taurinorum oriundus. Per omnes gradus cursus honorum usque ad consulatum suffectum atque ultime (anno 89 utique, fortasse iam ab annis 85/86) ad praefecturam Urbis sub Flaviis pervenit. Unus e patronis poetae Papini Statii fuit, qui dis gratias agens Soteria Rutili Gallici composuit sive anno 89 sive 90, postquam e gravi morbo praefectus convaluit. E testimonio Statii Rutilius non tantum forensi eloquentia praeditus erat sed etiam carmina et versus temptaverat.

De origine nominibusque.

Plures inscriptiones ad Gaium Rutilium Gallicum pertinentes Augustae Taurinorum repertae sunt, quae fuit colonia ab Augusto condita. Ex una earum nomen uxoris sub Vespasiano accepimus : Minicia Paetina. Ita Rutilius civis Romanus in tribu Stellatina erat. Utrum homo novus fuerit an iam pater magistratus curules exercuerit dubium est. Tria nomina Quintus Iulius Cordinus ante Vespasianum imperatorem non leguntur : itaque illa per adoptionem sibi assumpsisse creditur. E quo tempore nominatur Quintus Iulius Cordinus Rutilius Gallicus.

De Cursu honorum.

Cursum honorum Rutili Gallici novimus cum carmine Statii, tum etiam per stelam Ephesi anno 1913 repertam et circa annum 70 inscriptam :

  • Sub Claudio imperatore tribunus militum legionis XIII Geminae primam militiam gessit. Postea quaestor, aedilis curulis, denique legatus legionis XV Apollinaris in Pannonia fuit.
  • Sub Nerone imperatore praetor fuit atque ex praetura per novem annos legatus pro praetore provinciam Galatiam rexit. Quo tempore fortasse sub imperio Corbulonis fuit. Nerone mortuo (68) in eius locum in numerum Sodalium Augustalium Claudialium cooptatus est. In bellis civilibus post mortem Neronis Vespasianum secutus videtur. Tum cum stela inscripta est, consul designatus Romam profecturus erat.
  • Sub Vespasiano consulatum suffectum sive anno 71 sive 72 gessisse vulgo creditur. Circa idem tempus in collegium pontificum cooptatus est. Postea legatus extraordinarius in Africam anno 73/74 missus est (ad census accipiendos Vespasiano censore?) ubi tributum gravius Africanis imposuit et limitem inter Africam Veterem et Africam novam correxit. Paulo post (77/78) in Germania Inferiore exercitum ducebat adversus Bructeros, in qua expeditione illustrissima vates Veleda capta est.
  • Sub Domitiano ordo dignitatum incertior est. Nam ex verbis Statii "quid geminos fasces magnaeque iterata revolvam / iura Asiae? , nonnulli voluerunt Rutilium proconsulem Asiae per duos annos 82/84 fuisse. Plures tamen haec verba ad annos 68-70 referunt, cum Rutilius legatus pro praetore Asiae esse potuit sub imperio proconsulis, quod magis cum ordine poetae congruit. Item ex verbis "quae maxima nuper / gloria, depositam Dacis pereuntibus Vrbem, quia Domitianus bis ad exercitus adversus Dacos profectus est (86 et 89), alii putant Rutilium iam 85 praefectum Urbi esse, alii tantummodo anno 88/89. Quid enim "nuper" ? Mos erat praefectum Urbi secundum consulatum inire : item alii putant Rutilium anno 85 consulem suffectum iterum fuisse, alii anno 90.

    Fontes.

    • Statius libro primo Silvarum, carmen IV.
    • Iuvenalis Satura XIII,157.
    • CIL 6, 1984 (= Dessau 5025), CIL 8, 14882, CIL 8, 23084, CIL 8, 25967 (= Dessau 5955) et CIL 13, 11967 (= Dessau 9052).
    • Dessau, Inscriptiones Latinae selectae 5025, 9052 et 9499. Textus (ad verbum "Beleg" imprime "D 09499").
    • Der Neue Pauly X,1171.

    Notae

    The contents of this page are sourced from Wikipedia article. The contents are available under the CC BY-SA 4.0 license.
    Lists
    Caius Rutilius Gallicus is in following lists
    comments so far.
    Comments
    From our partners
    Sponsored
    Caius Rutilius Gallicus
    arrow-left arrow-right instagram whatsapp myspace quora soundcloud spotify tumblr vk website youtube pandora tunein iheart itunes