Boris Vladimirovitsj Bay

БАЙ Борис Владимирович (1912, Украина, Днепропетровск облысы Синельников ауданы Раздоры с. – 1976, Көкшетау) — а. ш-н ұйымдастырушы, Соц. Еңбек Ері (1966), КСРО Мемл. сыйл. лауреаты (1952).

2-дүниежүз. соғысқа қатысқан. Харьков зоовет. ин-тының 3 курсын бітірген (1931). 1942 жылға дейін зоотехник, бас зоотехник, 1946 жылдан Балкашино кеңшарында директор, 1954 жылдан Атбасар және Ақмола трестерінде директор, Ақкөл ауданы атқару к-тінің төрағасы, 1957 — 72 ж. Балкашино мемл. асыл тұқымды мал з-тында директор болып еңбек етті. 1974 ж. зейнеткерлік демалысқа шыққан.

КСРО-ның орден, медальдарымен марапатталған.