Quick Facts
SagittariusBiography
Барыс Міхайлавіч Максімовіч (13 снежня 1891, Цвер, Расія — 3 мая 1981) — інжынер шляхоў зносін, спецыяліст у галіне эксплуатацыі чыгунак. Доктар тэхнічных навук (1962), прафесар (1963).
Біяграфія
Скончыў Пецярбургскі інстытут інжынераў шляхоў зносін (1916).
Працаваў на Бесарабскай чыгунцы (1916—1919), у Паўднёвай акрузе шляхоў зносін (Харкаў, з 1921), Туркестанскай акрузе шляхоў зносін (з 1922), Упраўленні Маскоўска-Балтыйска-Беларускай чыгункі (Масква, 1923—1933), Галоўным упраўленні руху Міністэрства шляхоў зносін СССР (з 1943), Усесаюзным цэнтральным навукова-даследчым інстытуце чыгуначнага транспарту (1933—1942, 1949—1955), Маскоўскім інстытуце інжынераў чыгуначнага транспарту (1955—1963), Беларускім інстытуце інжынераў чыгуначнага транспарту (1964—1973, прафесар, прафесар-кансультант кафедры «Эксплуатацыя чыгунак»).
Навуковыя інтарэсы: арганізацыя руху паяздоў; прапускная і правазная здольнасць чыгунак у розных умовах эксплуатацыі.
Узнагароды
Ордэны Працоўнага Чырвонага Сцяга, «Знак Пашаны» і інш.
Бібліяграфія
- Вопросы теории графика движения и пропускной способности железнодорожных линий : автореферат диссертации … доктора технических наук / Б. М. Максимович. — Москва, 1962.
Зноскі
Літаратура
- Максімовіч Барыс Міхайлавіч // Беларуская энцыклапедыя : у 18 т. — Мінск, 2004. — Т. 18, кн. 1. — С. 424—425.
- Максимович Борис Михайлович // Белорусский институт инженеров железнодорожного транспорта : Хроника. События. Люди / П. С. Грунтов, Г. И. Шевчук, В. И. Горбачев. ― Гомель, 1993. — С. 213.
- Ученый-интеллигент : Максимович Борис Михайлович / П. С. Грунтов, В. Г. Кузнецов // Профессора Белорусского государственного университета транспорта. — Гомель, 2003. — С. 131—135 ; фото (с. 130).