Bernt Tobias Bessesen

Bernt Tobias Bessesen (6. oktober 1802–18. oktober 1887) var ein norsk prest og stortingsmann.

Bessesen var frå Kristiansand, far hans var skipper. Sjølv vart han 1819 student frå Kristiansand skule, dei to neste åra var han huslærar hos Severin Løvenskiold i Fossum. I 1824 vart han cand. theol. og deretter eitt år styrar av Kongsberg skule. Sokneprest i Rennesøy 1826-39 og i Biri 1839-48. 1848-55 var han sokneprest i Nes i Akershus, og til sist, 1855-77 i Kvinnherad.

Bessesen var 3. representant for Stavanger amt på Stortinget i 1836 og på det overordentlege storting 1836-37. Han var medlem av justiskomiteen.

Han døydde i Kvinnherad i 1887.

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Bernt Bessesen NSD Norsk senter for forskningsdatas politikararkiv

• Arkiv etter familien Bessesen hjå Statsarkivet i Kristiansand