Benjamin Bonsu

Wɔatwerɛ nsɛm wei ɛwɔ Asante kasa mu

Benjamin Bonsu ka adesuafoɔ a wɔyɛɛ Afidie a wɔde yɛ okyinsromma mu nhwɛhwɛmu a wɔfrɛ no Ghanasat-1, eyi ne berɛ a edin kan a ɔman Ghana de afidie firii asaase yi so kɔɔ okyinsromma no mu. Adesuafoɔ a na wɔka Owura Benjamin Bonsu ho ne Owura Ernest Matey ne Owura Joseph Quansah. Saa berɛ no na Owura Benjamin Bonsu reyɛ ne Ph.D. wɔ Mfidie a wɔde yɛ abɔde3 mu nhwehwɛmu. Na ɔkyerɛkyerɛni a wɔaben yie paa wɔ mfiedie a wɔde yɛ okyinsromma mu nhwɛhwɛmu, Professor Mengu Cho, na ɛhwɛ no so.

Wɔ afe 2013, Benjamin nyaa abodin a edi kan wɔ 'Electronics and Communcation Engineering' firii suapɔn All Nations University a ewɔ ɔman Ghana. Wɔ afe 2016, onyaa abodin a ɛtɔ so mmienu wɔ 'Space Systems Engineering' firii suapɔn Kyushu Institute of Technology wɔ Japan na afei ɔyɛɛ ne Ph.D. toaa so wɔ suapɔn koro no ara mu.

Benjamin adi nnwuma ahoroɔ a agye din pii mu te sɛ CANSAT a wɔyɛɛ no afe 2013, 'Ground Station Project' wɔ afe 2014 na afei GhanaSat-1 a wɔdaa no adi 2017, Kitawonsa da ɛtɔ so nson. Nhwehwɛmu ahoroɔ a ɔreyɛ no fa kɛseɛ no ara fa  mfidie a ne bo nyɛ den na afie ɛho adwuma da fam a wɔde yɛ abodeɛ mu nhwɛhwɛmu. N'atirimpɔw kɛseɛ paa ne sɛ wɔde nneɛma soronko mmienu a woka si ani a ɔfa baako yɛ hye na ɔfa a aka nu yɛ nwunu berɛ a anyinam ahoɔden refa mu bɛyɛ adwuma wɔ mfidie a wɔde okyinsromma ahoroɔ so no mu.

Benjamin Bonsu ka kuo ketewaa bi a ɛwɔ SGAC mu a wɔfrɛ no SSPG-SGAC ne SLPG-SGAC. Afei nso, Owura Benjamin ka kuo a emufoɔ firi aman ahoroɔ so a wɔyɛɛ HORYU-4 afidie a wɔde kyerɛɛ sɛnea ayinam ahoɔden ano den firi ase wɔ soro.

Owura Benjamin Bonsu dii kuo a ɛfiri Ghana nu anim de wɔn ho kɔkaa dwumadie a na edin a ɛda so ne Joint Global Multi-Nation Birds satellite a na suapɔn Kyushu Institute of Technology (KIT) , Japan, na na asɔ  adwumadie no asene. Na wɔyɛ dwumadie yi ma aman ahoroɔ a wontumi mfaa afiri biara nkɔɔ okyinsromma mu anaa nimdeɛ a wɔwɔ fa mfidie a ɛte saa ho sua. Aman ahoroɔ nnan na ɛde wɔn ho hyɛɛ dwumadie yi mu; Ghana, Mongolia, Nigeria ne Bangladesh. Hyɛ no nsow sɛ GhanaSat-1 ne okyinsromma mu nhwɛhwɛmu afiri a edin kan a ɔman Ghana atumi ayɛ. Suapɔn All Nations University na ɛfaa dwumadi no ho ka nyinaana eyi maa wɔbɛyɛɛ ankorankorɛ (private) suapɔn a edi kan a ɛde afidie akɔ onkyinsromma mu wɔ Africa.

1. ↑ https://face2faceafrica.com/article/ghanasat-1
2. ↑ https://face2faceafrica.com/article/ghanasat-1
3. ↑ https://face2faceafrica.com/article/ghanasat-1
4. ↑ https://atlarge.sspi.org/profiles/benjamin-bonsu
5. ↑ https://atlarge.sspi.org/profiles/benjamin-bonsu