Benedikt Dyrlich

Benedikt Dyrlich narodźi so jako syn serbskeho ludoweho rězbarja a małoburja w Nowej Wjesce. Wón wopyta wot 1956 do 1964 Serbsku polytechnisku šulu we Worklecach a hač do 1968 biskopski předseminar w Schöneiche pola Berlina. Na to přizamkny hač do 1971 studij filozofije a teologije w Jarobrodźe, běše 1971/72 hladar chorych w Kamjenicy, hdźež 1972 maturu na ludowej uniwersiće nachwata. Po tym běše wón dramaturgiski asistent w Němsko-Serbskim ludowym dźiwadle, studowaše wot lěta 1975 do 1980 dźiwadłowe wědomosće w Lipsku a skutkowaše na to jako dramaturg. Benedikt Dyrlich bě w času politiskeho přewróta w opozicionalnej Serbskej ludowej zhromadźiznje aktiwny a mjez 1990 a 1994 zapósłanc frakcije SPD w sakskim krajnym sejmje. Wot lěta 1995 hač do lěta 2011 běše Dyrlich šefredaktor Serbskich Nowin. Wot 1995 do 2014 skutkowaše wón zdobom jako předsyda Zwjazka serbskich wuměłcow.

Dyrlich je nošer wustawoweje medalje Swobodneho stata Sakskeje (2010) a Myta Ćišinskeho (2011).

• Stysk wyska, basnje a krótka proza, 2006
• Wotmach womory, basnje, 1997
• Fliegender Herbst, basnje a krótka proza, 1994
• W paslach, basnje a proza, 1986
• Třeće wóčko, 1978
• Zelene hubki, basnje, 1975

• Benedikt Dyrlich – Literatura w katalogu Němskeje narodneje biblioteki (Datowa sadźba k Benedikt Dyrlich • PICA-datowa sadźba) (něm.) (něm.)
• Literatura wot a wo Benedikt Dyrlich w Serbskej bibliografiji (něm.)
• Ludowe nakładnistwo Domowina: Benedikt Dyrlich (hsb.)