Quick Facts
Biography
Baldomero Cores Trasmonte, nado en Cee o 14 de outubro de 1929 e finado en Santiago de Compostela o 24 de decembro de 2014, foi un avogado, xornalista, sociólogo, catedrático e escritor galego.
Traxectoria
Natural do concello de Cee, trasladouse a Santiago de Compostela aos dez anos de idade, alí realizou estudos de dereito na Universidade de Santiago de Compostela, na Escola Social de Santiago de Compostela e en Madrid estudou políticas na Universidade Central, foi profesor de socioloxía na Facultade de Ciencias Políticas da Complutense e catedrático de socioloxía na Universidade de Porto Rico (1968-1983).
Colaborou en numerosos medios xornais como La Noche, La Voz de Galicia, Faro de Vigo, El Pueblo Gallego e El Correo Gallego. .
En 1983 retornou da súa prolongada emigración para ser o primeiro letrado do recentemente creado Parlamento de Galicia, participando plenamente no desenvolvemento da lexislación galega.
Obras en galego
Ensaio
- O corroncho de David, 1961.
- O libro negro da Galicia electoral, 1978.
- Dereito autonómico de Galicia, 1987, Xerais.
- Ciencia e galeguidade na II República, 1989, Xunta de Galicia.
- Teoría política e comunicación social, 1993.
- A constitución da galeguidade, 1995.
- Ramón de la Sagra, 1998.
- Os senadores da Universidade de Santiago, 1998.
- Santiago de Compostela, a gran panorámica, 2000.
- Ramón de la Sagra e Galicia, 2003.
- Unha viaxe pola rúa do Vilar, 2003.
- Enrique Rajoy Leloup: un protagonista do autonomismo galego, 2005.
- Luís Porteiro Garea, 2005, 3C3.
Obras colectivas
- A memoria de Santiago, 2000, Xerais.
Obras en castelán
Ensaio
- Sociología rural de Galicia, 1973.
- Estatuto de Galicia: actas y documentos, 1976.
- Sociología política de Galicia, 1976.
- La devolución de Galicia: el Estatuto de ayer y hoy, 1977.
- La sociedad incompleta: el drama de la capitalidad en Galicia, 1981.
- Ramón Suárez Picallo: socialismo, galleguismo y acción de masas en Galicia, 1983, Edicións do Castro.
- Los símbolos gallegos, 1986.
- Alfredo Vicenti: Vida y Obra de un Gran Periodista, 2009.