Bagrat Muradyan

Վիքիպեդիայում կան հոդվածներՄուրադյան ազգանունով այլ մարդկանց մասին։

Բագրատ Գևորգի Մուրադյան (հուլիսի 3, 1887(1887-07-03), Թիֆլիս, Ռուսական կայսրություն - մարտի 10, 1958(1958-03-10), Երևան, Հայկական ԽՍՀ, ԽՍՀՄ), հայ դերասան։ ՀԽՍՀ վաստակավոր արտիստ (1931)։

Բագրատ Մուրադյանը ծնվել է Թիֆլիսում։ Թատերական գործունեությունը սկսել է 1908 թվականի Թիֆլիսում՝ Ամո Խարազյանի անվան թատերախմբում։ 1912-1917 թվականներին աշխատել է Թիֆլիսի հայ դրամատիական ընկերությունում, 1917-1920 թվականներին՝ Բաքվի հայ մշակութային միության թատերախմբում։ 1924-1932 թվականներին խաղացել է Գաբրիել Սունդուկյանի անվան ակադեմիական թատրոնում, 1933-1939 թվականներին՝ Բաքվի Լ․ Երամյանի անվան թատրոնում, 1940-1945 թվականներին՝ Երևանի պատանի հանդիսատեսի թատրոնում։ Եղել է հայկական խորհրդային թատրոնի լավագույն հումորիստ-դերասաններից։ 1949 թվականից դասավանդել է Երևանի թատերական ինստիտուտում։

• Ոսկան՝ Շիրվանզադեի «Չար ոգի»
• Հայրապետ՝ Շիրվանզադեի «Նամուս»
• Սաղաթել՝ Շիրվանզադեի «Պատվի համար»
• Զիմզիմով՝ Սունդուկյանի «Պեպո»
• Իսայի՝ Սունդուկյանի «Խաթաբալա»
• Փարսիդ՝ Սունդուկյանի «Քանդած օջախ»
• Բոբչինսկի՝ Գոգոլի «Ռևիզոր»
• Շմագա՝ Ալեքսանդր Օստրովսկու «Անմեղ մեղավորներ»
• Քաջ Նազար՝ Դեմիրճյանի «Քաջ Նազար», 1924

• Ղուկաս՝ Շոր և Շորշոր, 1926