Ayu Oktasari

Ayu Oktasari ya iku wanita kang kondhang amarga dadi jawara ing ajang Take me Out Indonesia. Bebarengan karo Yunus alias Egy, pasangané kang tinemu ing ajang iku nalika episode kaping loroné ing pungkasaning Juni 2009 Pasangan iki dinobataké dadi jawara.

Nalika mèlu ing ajang kanggo nggolèk pacangan iku, statusé Ayu sejatine wis ora dhéwékan manèh, nanging dhèwèké wis duwé pepujaning ati. Dhèwèké meluni ajang mau namung didhasari kanggo seneng-seneng lan nyoba-nyoba bae. Calon maratuwané ora ngerti manawa dhèwèké mèlu. Lan nalika dhèwèké konangan wis meluni ajang mau, wong tuwa saka pepujaning atiné Ayu nalika iku meksa kanggo mutusaké sesambungané karo Ayu.

Sawisé metu dadi jawara ing ajang Take Me Out Indonesia, dhèwèké éntuk akèh prakara. Salah sijiné ya iku foto-fotone kang saru sumebar ing masYarakat. Sumebaré foto-foto saruné Ayu anggawe lamarané karo Egy dikabaraké bakal diundur. Nanging kabar mau dibantah déning Ayu lan Egy. Dudu amarga anané foto-foto mau, nanging amarga ibuné Egy kang lagi gerah ing rumah sakit.