Ayu Dewi

Ayu Dewi (lair ing Jakarta, 7 Sèptèmber 1984; umur 35 taun). Ayu Dewi punika salah satunggaling modhèl, juru main sinétron, presenter Indonésia. Karir Ayu Dewi kawiwitan nalika Ayu Dewi dados modhél saha presenter tivi. Sasampunipun punika, Ayu Dewi lajeng akting wonten filem ingkang irah-irahanipun Mereka Bilang, Saya Monyet! nalika taun 2007. Nalika taun 2010, Ayu Dewi ugi main wonten ing filem ingkang irah-irahanipun Tiran: Mati di Ranjang.

Ayu Dewi naté sesambungan kaliyan aktor saha politisi ingkang namanipun Zumi Zola. Ayu Dewi saha Zumi Zola naté nyiapaken ancang-ancang kanggé nikah nalika wulan Mèi 2011. Nanging amargi nalika menila Zumi kapilih dados bupati wonten ing pilkada Kabupatèn Tanjung Jabung Timur saha kalih dinten saerengipun Ayu umroh wonten wulan April 2011, Ayu saha Zumi Zola sampun boten gadhah gayutan malih.

Ayu Dewi ugi dados presenter musik dahsyat. Wonten ing acara punika, Ayu Dewi dados presenter sesarengan kaliyan Olga Syahputra, Raffi Ahmad saha Jessica Iskandar. Nalika dados presenter, Ayu Dewi ugi asring dipunguyoni ngenani pernikahanipun ingkang boten siyos. Nalika nembé ambal warsa ingkang kaping 27, Ayu Dewi uga pikantuk surprise saking kanca-kancanipun presenter dahsyat. Ayu Dewi dipuntedahaken jèngkol kaliyan topeng monyet, kamangka Ayu Dewi boten remen kaliyan piranti punika.