Quick Facts
Biography
Avelino Luis de Francisco Martínez, nado en Cortegada en1946, é un político galego, que foi do PSdeG-PSOE e do PPdeG.
Traxectoria
Foi comisario da Policía Nacional e Xefe superior de Policía de Galicia. Nas eleccións municipais de 2007 encabezou a candidatura do PSdeG-PSOE á alcaldía de Cortegada e foi elixido alcalde con maioría absoluta. Nas municipais de 2011 volveu ser cabeza de lista do PSdeG e volveu ser elixido alcalde tamén con maioría absoluta.
En xaneiro de 2015, uns meses antes dos novos comicios municipais, Avelino de Francisco pasouse con gran parte do seu equipo (catro de seis concelleiros) ao grupo non adscrito, mentres que un membro do seu equipo quedaba como único representante do PSdeG. Antes dos comicios de 2015, Avelino de Francisco formalizou a súa alta no Partido Popular, co que encabezou a candidatura ás municipais por esta formación.
| Predecesor: Enrique Carpintero Araújo | Alcalde de Cortegada 2007 - actualidade | Sucesor: no cargo |