Quick Facts
Biography
Ավագ Գեղամի Պետրոսյան (1912, մարտի 16 (մարտի 29), գյուղ Կամարիս, Կոտայքի մարզ - 2000, նոյեմբերի 5, Երևան), երգիչ, դրամատիկական տենոր։ Հայկական ԽՍՀ (1956), Ադրբեջանական ԽՍՀ (1962) ժողովրդական արտիստ։
Կենսագրություն
1940-1941 թթ. սովորել է Մոսկվայի կոնսերվատորիայում: 1942 թվականին ավարտել է Երևանի Կոմիտասի անվան կոնսերվատորիան: 1934 թվականից եղել է Հայաստանի պետական երգչախմբի երգիչ, 1939 թվականից՝ մեներգիչ։ 1939 թվականին մեծ հաջողությամբ մասնակցել է Մոսկվայում հայ արվեստի և գրականության տասնօրյակին։ 1941-1989 թվականներից եղել է Երևանի օպերայի և բալետի թատրոնի մեներգիչ։ 1949-1950 թթ. վերապատրաստման է գործուղվել Մոսկվայի Մեծ թատրոն:
Ստեղծագործական գործունեություն
Համերգային երգացանկում ընդգրկված են եղել հայ, ռուս, արևմտա-եվրոպական կոմպոզիտորների երկեր, հայկական ժողովրդական երգեր։
Ազգային օպերաներում մի շարք դերերգերի առաջին կատարողն էր։
- Սանթուր, Արմեն Տիգրանյանի «Դավիթ Բեկ»
- Տիրիթ, Տիգրան Չուխաճյանի «Արշակ Բ»
- Կարո, Անդրեյ Բաբաևի «Արծվաբերդ»
- Վահան, Հարո Ստեփանյանի «Հերոսուհին», ԽՍՀՄ պետական մրցանակ՝ 1951
Դերերգերից են՝
- Սարո, Արմեն Տիգրանյանի «Անուշ»
- Աշուղ և Շեյխ, Ալեքսանդր Սպենդիարյանի «Ալմաստ»
- Ռադամես, Ջուզեպպե Վերդիի «Աիդա»
- Մանրիկո, Վերդիի «Տրուբադուր»
Մրցանակներ
- 1947 ՀԽՍՀ վաստակավոր արտիստ
- 1951 ԽՍՀՄ Պետական մրցանակ
- 1956 Հայկական ԽՍՀ ժողովրդական արտիստ
- 1962 Ադրբեջանական ԽՍՀ ժողովրդական արտիստ
Հիշատակ
2014 թվականի հունիսի 11-ին Երևանի կենտրոնում՝ Սայաթ-Նովայի պողոտայի և Ավագ Պետրոսյան փողոցի խաչմերուկում տեղադրվել է Ավագ Պետրոսյանի հուշարձանը:
Ծանոթագրություններ
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ ««Հնագույն մշակույթ ունեցող ազգերի մենաշնորհներից է մեծարել հանճարներին»»։ Առավոտ - Նորություններ Հայաստանից։ Վերցված է 2016-08-13
- ↑ «Ավագ Պետրոսյան | Music of Armenia»։ www.musicofarmenia.com։ Վերցված է 2016-08-13
- ↑ «Անկրկնելի «Սարոն» 100 տարեկան է դառնում»։ Առավոտ - Նորություններ Հայաստանից։ Վերցված է 2016-08-13
- ↑ Ավագ Պետրոսյան, Սարոյի արիա, «Բարձր սարեր»
- ↑ «Մայրաքաղաքում բացվել է ԽՍՀՄ պետական մրցանակի դափնեկիր, ժողովրդական արտիստ Ավագ Պետրոսյանի հուշաքանդակը»։ Առավոտ - Նորություններ Հայաստանից։ Վերցված է 2016-08-13