Quick Facts
Biography
| Dialäkt: Baseldütsch |
Dr Aurelius Froben (1539-1587), latinisiert Aurelius Frobenius, isch ä Verleger und Buechdrucker z Basel und ä Mitgliid vo de berüehmte Basler Frobens gsi.
Läbe
Dr Aurelius Froben isch 1539 z Basel as dr zweit Bueb vom Buechdrucker und Verleger Hieronymus Froben uf d Wält cho. Er het drei Gschwüschderti gha, ä zwei Johr eltere Brueder, dr Ambrosius, ä Schwöschder, d Anna (1541-1579), und ä Halbschwöschder, d Esther (1545-1590). Noch em Dod vo siim Vater het er d Buechdruckerei mit siim Brueder und sim Unggle, em Niklaus Bischoff wiitergfüehrt. Mit siim Brueder isch er in1578in ä Skandal verwigglet gsi, wo si hai welle dr Talmud drucke und das vom Kaiser Rudolf II. verbote worden isch.
Er het 1540 d Chrischona Burckhardt (1540-1591) ghürotet und si hai nüün Chinder gha, drunder d Esther (1569-1610), dr Bernhard (1571-1610) und dr Aurelius Erasmus (1573-1637), wo Buechdrucker vom Root und Obervogt uf Farnsburg worden isch.
Dr Aurelius Froben isch 1587 gschdorbe.