Quick Facts
Biography
August Lange (* in Hilmssen; † 1959) weer en düütschen Politiker von de SPD.
Lange is in Hilmssen boren. He hett Schippstimmermann lehrt. In’n Eersten Weltkrieg weer he Soldaat un hett dor en Been verloren. He hett denn as Zigarrndreiher arbeidt. He hett in Pennigbüttel un von 1927 af an in Oosterholt-Scharmbeek en lütte Zigarrnfabriek bedreven.
He weer Gemeenvörsteher in Pennigbüttel un ok in’n Kreisdag von’n Kreis Oosterholt. Nadem de Natschonalsozialisten 1933 an de Macht kamen sünd, hett he sien Ämter verloren un is in’n Oktober 1933 to dree Maand Fängnis veroordeelt worrn, vonwegen dat he Lögen över de Böversten in’n Staat verbreedt hebben schall.
Na’n Tweten Weltkrieg hebbt em de Briten an’n 11. Juni 1945 as Landraad von’n Kreis Oosterholt insett. Dat is he bet to’n 14. März 1946 bleven, denn hett he dat Amt ut Gesundheitsgrünn opgeven un an Louis Biester afgeven. He weer ok in’n Stadtraad von Oosterholt-Scharmbeek un in’n Kreisdag.