Quick Facts
Biography
August Wilhelm Diedrich Canenbley (* 22. Juli 1868 in Veern; † 12. Januar 1942 in Bremen) weer en düütschen Jurist.
Canenbley is 1868 as Söhn von en Koopmann in Veern boren un hett sien Abitur an dat Doomgymnasium Veern maakt. Na dat Abitur hett he Juristeree studeert. He is in’n prüüßschen Justizdeenst gahn un 1897 Gerichtsassesser worrn. 1900 keem he as Amtsrichter an dat Amtsgericht Sögel un is 1904 as Landrichter an dat Landgericht Stendal wesselt. 1911 is he Landgerichtsraad worrn un güng 1912 as Direkter an dat Landgericht Berlin II. 1919 is he as Landgerichtsdirekter an dat Landgericht Hilmssen gahn un weer denn von’n 9. Juli 1923 bet 1. Oktober 1933 Präsident von dat Landgericht Veern.
Canenbley is an’n 1. Oktober 1933 in Rohstand gahn. He hett in’n Rohstand wieder in Veern leevt. Doodbleven is he 1942 aver in Bremen. He liggt op’n Doomkarkhoff in Veern begraven.
He hett an’n 18. Juli 1899 in Rie’e Elise Louise Marie Therese Küster (15. Januar 1875–9. Juni 1934) freet. De beiden harrn de Dochter Marie Caroline Louise (23. August 1902–2. Februar 1983).