Վիքիպեդիայում կան հոդվածներՄկրտումյան ազգանունով այլ մարդկանց մասին:

Արթուր Մկրտումյան (օգոստոսի 12, 1985(1985-08-12), Երևան, Հայկական ԽՍՀ, ԽՍՀՄ), հայ թմբկահար։

Կենսագրություն

Արթուր Մկրտումյանը ծնվել է 1985 թվականի օգոստոսի 12-ին՝ Երևանում։ 14 տարեկանից սկսել է ինքնուրույն նվագել հարվածային գործիքներ։

2005 թվականին Արթուր Մկրտումյանն ընդունվել է երաժշտական քոլեջ։ Նա կիթառահար Անդրե Վարդանյանի հետ համատեղ ստեղծել են «Հայարդ» ռոք խումբը, 2010 թվականից նա եղել է նույն խմբի թմբկահարը։

Արթուր Մկրտումյանի ստեղծագործությունների մեծ մասը «պրոգրեսիվ հևի մետալ» ժանրի են։

2013 թվականին «Հայարդ» ռոք խմբի կազմում հանդես է եկել իր առաջին տեսահոլովակում։ Տեսահելեվակը նկարահանված է «The Sword of Damocles» երգի հիման։ «Հայարդ» խմբի հետ մասնակցել է հանրապետական և միջազգային ռոք փառատոների, հաղթանակներ է ունեցել Հայաստանում և արտերկրում։

Որպես հարվածային գործիքների ուսուցիչ 2010 թվականից աշխատանքի է անցել Երևանի Ղազարոս Սարյանի անվան դպրոցում, իսկ 2013 թվականից՝ Հայկանուշ Դանիելյանի անվան արվեստի դպրոցում։

• «The Sword of Damocles»