Quick Facts
Biography
Արտավազդ Բաղումյան (1953, Իրան), իրանահայ իրավաբան, քաղաքագետ, Իրանի Խորհրդարանի պատգամավոր (4 նստաշրջան):
Կենսագրություն
Արտավազդ Բաղումյանը ծնվել է 1953 թվականին Սպահանի Ֆերեյդան գավառի Գիբարան գյուղում: Սովորել է տեղի դպրոցում, այնուհետև կրթությունը շարունակել է Սպահանի համալսարանի հաշվապահության բաժնում, մագիստրատուրան սովորել է Թեհրանի Շահիդ Բեհեշտի համալսարանի քաղաքական գիտությունների ֆակուլտետում: 1979 թվականին, Իրանում հեղափոխության հաղթանակից հետո, մի քանի նստաշրջան անընդմեջ ընտրվել է Իրանի խորհրդարանի Սպահանի և հարավային իրանահայության պատգամավոր: 1984 թվականին ընտրվել է Իրանի խորհրդարանի հարավային իրանահայության պատգամավոր, եղել խորհրդարանական տարբեր հանձնաժողովների անդամ: Իրանի խորհրդարանի 3-րդ, 4-րդ, 5-րդ նստաշրջաններում ևս ընտրվել է Սպահանի և հարավային իրանահայության պատգամավոր, անդամակցել է նավթի հանձնաժողովին, մասնակցել միջազգային և ՕՊԵԿ նիստերին:
Իրան-Իրաք պատերազմի տարիներին իրանահայության օգնությունները հասցրել է ճակատ:
Խորհրդային միության փլուզումից հետո առանցքային դեր է ունեցել Իրան-Հայաստան հարաբերությունների ամրապնդման հարցում: