Árni Snæbjarnarson

Árni Snæbjarnarson (d. 1515) var prestur í Hruna, Skálholtsráðsmaður, officialisog síðan ábóti í Viðeyjarklaustri frá 1494 til dauðadags. Hann tók við þegar Jón Árnason ábóti lést í plágunni síðari.

Árni var orðinn prestur í Hruna fyrir 1481. Hann er sagður hafa verið mikill fésýslumaður og í tíð hans eignaðist klaustrið allmargar jarðir. Snemma á ábótatíð hans (fyrir 1497) eyðilagðist Viðeyjarkirkja og var endurbyggð.

Börn Árna voru Ingunn Árnadóttir, kona Halldórs Brynjólfssonar ríka í Tungufelli í Hrunamannahreppi, og Jón Árnason sýslumaður í Reykjavík. Frá þeim báðum komu miklar ættir. Árni lést 1515 og tók þá Ögmundur Pálsson, síðar biskup, við ábótadæmi í Viðey.

• „Viðeyjarklaustur. Sunnudagsblað Tímans, 23. júlí 1967“.
• „Um klaustrin á Íslandi. Tímarit hins íslenzka bókmenntafélags, 8. árgangur 1887“.