Armenak Tamazyan

Արմենակ Համբարձումի Թամազյան (հուլիսի 10, 1907(1907-07-10), Օձուն, Լոռու մարզ, Հայաստան - հուլիսի 16, 1976(1976-07-16), Երևան, Հայկական ԽՍՀ, ԽՍՀՄ), հայ արձակագիր, լրագրող, ԽՍՀՄ գրողների միության անդամ 1938 թվականից։ ԽՄԿԿ անդամ 1939 թվականից:

Ծնվել է Օձուն (այժմ՝ Լոռու մարզ) գյուղում։ 1929 թվականին ավարտել է Թիֆլիսի 76-րդ աշխատանքային դպրոցը։ 1930-1938 թվականներին աշխատել է «Ժողովրդական լուսավորություն», «Պայքար պղնձի համար» (Ղափան), «Բանվորական Երևան», «Երկաթուղային» (Լենինական), «Խորհրդային Հայաստան» թերթերի խմբագրություններում, Երևանի ռադիոկոմիտեում, 1938-1941 թվականներին՝ Պետհրատում։ 1941-1943 թվականներին ծառայել է խորհրդային բանակում, մասնակցել Հայրենական մեծ պատերազմին, եղել է 408-րդ հրաձգային դիվիզիայի «Հանուն հայրենիքի» հայերեն թերթի խմբագրի տեղակալ ու գրական աշխատող։ Հետագայում, մինչև 1955 թվականն աշխատել է Հայպետհրատում։ Մահացել է Երևանում:

• Հայացքներ (պատմվածքները), Երևան, Պետհրատ, 1930, 80 էջ։
• Վանիկի վարդը, Երևան, Հայպետհրատ, 1940, 14 էջ։
• Մայիսմեկյան ժողովածու, Երևան: Հայպետհրատ, 1940, 83 էջ:
• Հայրենասեր հայրեր և որդիներ, Երևան: Հայպետհրատ, 1941:
• Արագածի հրշալիքները, Երևան, «Հայաստան», 1970, 112 էջ։
• Վերածնունդ (ժողովածուում տեղ է գտել Ա. Թամազյանի «Քարերի երգը» գործը), Երևան, «Սովետական գրող», 1977, 552 էջ։

• Ստալինը և Հաշիմը, Ե., Պետհրատ, 1938, 44 էջ:
• Տոլստոյ Ա., Մանկիկ-մատնիկը (հեքիաթ), Ե., Հայպետհրատ, 1941, 8 էջ:
• Գուբարև Վիտալի, Պավլիկ Մորոզով (վիպակ), Երևան: Հայպետհրատ, 1949:
• Շվարց Ե., Ֆրեզ Ի., Մեր գործարանը, Ե., Հայպետհրատ, 1951, 84 էջ: