Quick Facts
VirgoBiography
- Վիքիպեդիայում կան հոդվածներ Ղահրամանյան ազգանունով այլ մարդկանց մասին։
Արմեն Բախշիի Ղահրամանյան (սեպտեմբերի 11, 1963(1963-09-11), Աստղաշեն, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ), հայ ռազմական գործիչ, գեներալ-մայոր։
Կենսագրություն
Արմեն Ղահրամանյանը ծնվել է 1963 թվականի սեպտեմբերի 11-ին, Ասկերանի շրջանի Աստղաշեն գյուղում։ 2001 թվականին ավարտել է ՌԴ ՊՆ ռազմական ակադեմիայի դասընթացները։ Ասկերանի շրջանում մասնակցել է մարտական գործողություններին։ Կանոնավոր բանակի ստեղծումից հետո համանուն պաշտպանական շրջանում զբաղեցրել է դասակի հրամանատարի, գումարտակի շտաբի պետի, գումարտակի հրամանատարի, ծառայության պետի պաշտոններ։ 1988 թվականի ապրիլին նշանակվել է 4-րդ պաշտպանական շրջանի հրամանատարի թիկունքի գծով տեղակալ, 1999 թվականի օգոստոսին՝ ՊԲ թիկունքի շտաբի պետ-թիկունքի պետի տեղակալ, 2000 թվականի սեպտեմբերին` ՊԲ հրամանատարի թիկունքի գծով տեղակալ, թիկունքի պետ, 2008 թվականի հուլիսից եղել է ՊԲ հրամանատարի 1-ին տեղակալ, 2015 թվականի փետրվարին նշանակվել է ՀՀ ՊՆ Վազգեն Սարգսյանի անվան ռազմական ինստիտուտի պետ։ 2018 թվականի հոկտեմբերին ազատվել է ՊՆ Վազգեն Սարգսյանի անվան ռազմական համալսարանի պետի պաշտոնից։
Պարգևներ, մրցանակներ
- Սուրբ Վարդան Մամիկոնյանի շքանշան
- «Արիության» մեդալ
- ԼՂՀ նախագահի հրամանագիր` «Շուշիի ազատագրման համար»
- «Մարտական խաչ» 2-րդ աստիճանի շքանշան