Anxo Quintela

Licenciado en Filosofía, foi Premio Castelao de poesía en 1978. En 1982 consegue o Premio Esquío por A sombra dos pavillóns, publicado no ano seguinte. Os seus poemas tamén apareceron nas revistas Dorna, Revista das letras, Grial e Horas de papel.

Traballou como xornalista en Video Voz e na TVG, onde foi presentador de diversos espazos, entre eles, os informativos. Foi tamén redactor xefe da revista Agrocultura. Entre 2003 e 2006 dirixiu o xornal electrónico Vieiros. Na actualidade traballa no programa Diario Cultural da Radio Galega.

Poesía

• Á sombra dos pavillóns, 1983, Sociedade de Cultura Valle-Inclán.
• O asasino estrábico, 1996, Xerais.

Traducións

• Afinidades culturais Galicia-Irlanda de Elisabeth Frances Keating, 1990, Galaxia.
• A casa da madriña de Lygia Bojunga Nunes, 1990, Galaxia.

Obras colectivas

• Escolma de poesía galega (1976-1984), 1984, Sotelo Blanco.
• Chineses, 1996, O Correo Galego.

Proxectos artísticos

• A voz e o poema. Os periplos de Avilés de Taramancos con Ana Romaní.

• Premio Esquío de poesía no 1982, por Á sombra dos pavillóns.

Ligazóns externas

• Ficha do autor en Xerais