Antton Etxeberria

Antton Etxeberria Urretabizkaia (Donostia, 1959ko maiatzaren 2a - ib., 2018ko urriaren 19a) gipuzkoar aktore eta titiriteroa izan zen.

1980ko hamarkada hasieran, Sebastopoleko Titiriteroak konpainia sortu zuen, Donostiako Zorroagako fakultateko beste hainbat ikaslerekin batera. Artista polifazetikoa izan zen, eta askotariko lanetan jardun zuen bere ibilbidean, hala nola antzerki ekoizle, gidoilari eta antzerkigile. Aktore gisa, Jose Maria Tuduriren Karlistadaren kronika 1872-1876 (1988) eta Santa Cruz, el cura guerrillero (1990) nahiz Julio Medemen Behiak (1991) filmetan parte hartu zuen, baita Goenkale eta Piratak telesailetan ere. Kale antzerkirako hainbat eta hainbat lan ekoitzi zituen, baita haietan aktore gisa aritu ere. Euskaldunon Egunkaria-k sustatutako Euskal Tonbolan ere aritu izan zen.

Gizarte mugimenduetan oso pertsona ezaguna zen.

Antzerki-dokumentazioen Zentroan lan hauek erregistratu ziren Sebastopoleko Titiriteroak taldearen izenean:

• ¡Ay, Nicaragua! (1984)
• Lo que yo te diga (1985)
• Dantza's show (1986)
• Pastoral titiritera (1987)
• Mari Galanta (1989)
• Desechos humanos (1993)

Ekoizle eta aktore moduan:

• ‘Olentzero joan zaigu’, ‘Payasos titiriteros’, ‘El rompecabezas de Mamutxo’, ‘El camino de los zíngaros’, ‘La ruta de la seda’, ‘Boliwood y danzas de la India’, ‘La Iliada’, ‘La Odisea’, ‘Las mil y una noches’ y ‘El Quijote’

Filmetan aktore gisa:

• Karlistadaren kronika 1872-1876 (1988)
• Santa Cruz, el cura guerrillero (1990)
• Behiak (1991)

ETBko telesailetan aktore gisa:

• Goenkale
• Piratak

• Bideo-elkarrizketa. Deia (2018-10-20)