Antonio Páramo Sánchez

Neto de Antonio Sánchez (que fora alcalde de Sarria nos anos 20) e sobriño de José Sánchez Arias, foi un destacado avogado e ocupou a presidencia da sociedade La Unión de Sarria. Organizou o Partido Republicano na comarca de Sarria e foi delegado do centro republicano de Sarria, constituído en 1931. Nese ano asumiu a dirección do periódico La Voz de Sarria. En 1933 dirixiu o periódico Loita, Órgano del Cento Republicano de Sarria.

Accedeu á alcaldía de Sarria en marzo de 1936 con 24 anos e ocupou un papel relevante en Izquierda Republicana. Formou parte do comité provincial do partido, e foi un dos compromisarios que participaron na elección do presidente Manuel Azaña.

Antonio Páramo exercía como alcalde ao producirse a sublevación do 18 de xullo de 1936 e foi perseguido durante a Guerra Civil. Declarado en rebeldía en varias causas, e confiscado o seu patrimonio, estivo fuxido uns doce anos e finalmente presentouse e foi xulgado en Lugo por auxilio á rebelión e condenado a 2 anos de prisión.

Predecesor: Juan Manuel Somoza García

Alcalde de Sarria  1936 - 1936

Sucesor: -

Ligazóns externas

• "A familia do ex alcalde Antonio Páramo doa unha casa ao Concello de Sarria", artigo en El Progreso.
• Antonio Páramo Sánchez na páxina web Nomes e Voces.
• "La nueva corporación local sarriana estaba formada por dieciocho concejales", artigo en La Voz de Galicia, 31 de xullo de 2006.
• "La instauración de la Segunda República se vivió en Sarria con gran expectación", artigo en La Voz de Galicia, 13 de abril de 2002.