Quick Facts
Biography
Անտոնիո Մարուֆո Մենդոսան (իսպ.՝ Antonio Marrufo Mendoza, ծնվել է 1956 թ. ապրիլի 19-ին Չիուաուա նահանգի Սյուդադ Խուարես քաղաքում) մեքսիկացի ֆուտբոլային մրցավար է, միջազգային հանդիպումներ է վարել 1991-2002 թթ․ ընթացքում։ Այժմ հանդիսանում է մրցավարների վերապատրաստման հրահանգիչ։
Գլխավոր մրցավարի պարտականություններ է կատարել 1998 թ․ աշխարհի առաջնության ընտրական մրցաշարի «Ուրուգվայ-Էկվադոր» (5-3), 2002 թ․ աշխարհի առաջնության ընտրական մրցաշարի «Գվատեմալա-Սալվադոր» (0-1), «Գվատեմալա-Կոստա Ռիկա» (2-1), «Պերու-Էկվադոր» (1-2), «Վենեսուելա-Ուրուգվայ» (2-0) հանդիպումների ժամանակ։
ԿՈՆԿԱԿԱՖ-ի ոսկե գավաթի շրջանակներում վարել է 1 հանդիպում՝ 1993 թ. խաղարկությունում «Ճամայկա-Պանամա» (1-1), Ամերիկայի գավաթի շրջանակներում՝ 2 հանդիպում՝ 1997 թ․ խաղարկությունում «Պերու-Ուրուգվայ» (1-0) և «Բոլիվիա-Ուրուգվայ» (1-0)։
Գլխավոր մրցավարի պաշտոնում վարել է նաև ազգային հավաքականների միջազգային ընկերական և տարածաշրջանային մրցաշարերի հանդիպումներ, ինչպես նաև՝ պատանեկան և երիտասարդական հավաքականների մակարդակով անցկացվող մի շարք մրցաշարերում։։
Ակտիվ մրցավարական կարիերա է անցկացրել ակումբային հանդիպումների մակարդակով։ Վարել է հանդիպումներ Լիբերտադորեսի գավաթի, Մերկոնորտեի գավաթի, MX լիգայի և MLS-ի շրջանակներում։ Մասնավորապես MX լիգայում գլխավոր մրցավարի դեր է կատարել ավելի քան 350 հանդիպումներում։
Հետաքրքիր փաստեր
- Մարուֆոն իր մրցավարական դեբյուտը նշել է 14 տարեկանում։
- Լինելով մրցավարների հրահանգիչ՝ մեքսիկացի մրցավար Սերխիո Սիլվայի կողմից Մարուֆոյին 2007 թ․ մեղադրանք է ներկայացվել փորձաշրջանին մասնակցության իրավունքից զրկելու առնրությամբ։
- Անտոնիո Մարուֆոյի որդին՝ Խաիր Մարուֆոն, նույնպես ֆուտբոլային մրցավար է հանդիսանում, սակայն ներկայացնում է Միացյալ Նահանգների սոքերի ֆեդերացիան և վարում է Սոքերի բարձրագույն լիգայի հանդիպումներ։
Հղումներ
- «Antonio Marrufo»։ World Referee։ Վերցված է 2015-09-20
- «Antonio Marrufo»։ footballzz.com։ Վերցված է 2015-09-20
- «Antonio Marrufo»։ footballdatabase.eu։ Վերցված է 2015-09-20
- «Antonio Marrufo»։ worldfootball.net։ Վերցված է 2015-09-20
- «Antonio Marrufo»։ 11v11.com։ Վերցված է 2015-09-20
- «Antonio Marrufo»։ eu-football.info։ Վերցված է 2015-09-20