Antonio Conde Asperot

Antonio Conde Asperot, nado en Santiago de Compostela e finado en Bouzas (Vigo) o 9 de xullo de 1970, foi un mestre e político galego.

Mestre en Porto do Son dende 1920. Militante de Izquierda Republicana e secretario da agrupación de Porto do Son. Era asesor de Juan González González. Co golpe de Estado do 18 de xullo de 1936 foi detido. Preso no cárcere de Santiago de Compostela. Foi suspendido de emprego e soldo o 28 de agosto e cesado o 5 de setembro. Estivo dous anos preso no cárcere de Santiago de Compostela e outros dous na prisión provincial da Coruña. En maio de 1940 foi separado do servizo e dado de baixa na escala do maxisterio. Saíu en liberdade condicional en 1941. Fóille incoado expediente de responsabilidades políticas. Nos anos sesenta foi director do colexio Puebla.

Casou con Ramona Santos Carou.

Ligazóns externas

• Antonio Conde Asperot na páxina web Nomes e Voces.