Anna Steineger

Anna Steineger (28. november 1852–24. mai 1914) var ein norsk skribent, lærar, politikar for Venstre, kvinnesaksforkjempar og foreiningskvinne.

I 1884 vart Steineger tilsett ved Ulrike Pihls pikeskole i Bergen, som lærar i geografi og naturfag. I 1894 studerte ho, med offentleg stipend, naturfagundervising i Berlin og Paris, og er rekna som ein av pionerane for moderne undervising i naturfag i Bergen. Ho engasjerte seg også for matservering til trengjande skulebarn.

Steineger var medstiftar av Bergen Kvinnesaksforening i 1885 og var medlem av det fyrste styret. Seinare vart ho styremedlem i Høiere skolers landslærerindeforening. I 1892 vart ho innvald i styret i det nyopprettede Bergen Ligbrændingsselskab, og i 1905 vart ho vald inn i Bergens fattigstyre.

Steineger var representant i kommunestyret og suppleant i formannskapet i Bergen for Venstre i perioden 1902–1904, og suppleant i kommunestyret frå 1904.

Steineger var blant bidragsytarane i kvinnesakstidsskriftet Nylænde.

Anna Steineger var dotter av oberstløytnant Rudolph Grip Norman og Charlotte Folkedal. Ho vart 30. oktober 1876 gift med vitskapsmannen Leonhard Hess Steineger, ein bror av kunstnaren Agnes Steineger. Ekteskapet vart oppløyst.