Ángel Petisme

Ángel Muñoz Petisme, naixito de Calatayú o 17 de chinero de 1961, ye un poeta, escritor, compositor y cantaire aragonés.

Naixito de Calatayú o 17 de chinero de 1961, teneba ueit anyos quan a suya familia s'en fue ta Zaragoza. Astí, fació os estudios de Filolochía Hispanica en a Universidat de Zaragoza. Tamién empecipió a publicar os suyos primers poemas. Creyó a revista Narra (Recenta, en aragonés) y o grupo Jóvenes Poetas Aragoneses (Chóvens Poetas Aragoneses, en aragonés). En 1983 enguera musicalment en a plaza de toros de Zaragoza con chent d'a "movida" madrilenya. Tamién en iste anyo s'en va ta Madrit ta estudiar Filolochía Italiana, amás de solfeyo y canto en o Taller de Músicos de Madrit. Ye allora quan empecipia a desembolicar-ie una gran actividat, como cantautor u como activista esfendendo quantas causas (estió obchector de conciencia, y indultato dimpués por o rei), y mesmo con una poesía embrecada y que, con nuevos conceptos, esviella a lirica cheneral. Asinas, en 1984 publica o suyo primer libro de poemas, Cosmética y terror, con una sobrebuena acullida por parti d'a cretica, dica en decir que iste libro sería muga en a lirica espanyola, fendo-ie un antis y un dimpués.En 1986, Luis Antonio de Villena incluye a Petisme en a Antolochía Postnovísimos. En 1987 creya "Los Sin Techo" (Os sin teito), un grupo electrico prou salvache, y en 1990 l'asociación "Madrid, Calle de la Cultura" (Madrit, Carrera d'a Cultura) t'a esfensa d'os artesans, d'a musica en vivo y contra a trancadura de bars d'o conceller Matanzo. Macroconcierto en o Palacio d'os Esportes y un single, Toque de queda en Madrid. Publica o suyo primer disco estando solenco, "La habitación salvaje" (A cambra salvache) y, decamín, un nuevo libro de poemas en Prensas Universitarias, "Habitación Salvaje". En 1992 graba "Turistas en el Paraíso" (Toristas en o Paradiso) con Antón Reixa (d'Os Resentidos) fendo rap y Enrique de Melchor en a guitarra flamenca. En 1993, chunto a Paco Ibáñez, Labordeta u Javier Krahe, entre atros, canta en o "Concierto en favor de los Inmigrantes Latinoamericanos" (Concierto en favor d'os Inmigrants Latinoamericans) en o Teatro Prencipal de Zaragoza. En 1995 fa una chira por teatros con Luis Eduardo Aute y apareixe en l'Antología de Poesía Aragonesa Contemporánea (Antolochía de Poesía Aragonesa Contemporania).

En zaguerías de 1997, Petisme publica Cierzo, fendo en 1998 a chira d'iste disco. Tamién iste anyo graba una canta, "El juego que me perdió" (O chuego que me perdió), t'o disco homenache a Jackson Browne "Cántame mis canciones" (Canta-me as mías cantas), estando-ne una versión en castellán de "Call it a loan" (Clama-lo un amprén), de Browne. Ista canta, producita por Gonzalo Lasheras, s'en graba entre Madrit y Los Angeles, y participa-ie a cantaire Jennifer Warnes, conoixita por cantas como "Up where we belong" (O puesto a on que perteneixemos), d'o film "An Officer and a Gentleman" (Oficial y Caballer), con Joe Cocker, u "(I've Had) The Time of My Life" ((He tenito) Tiempo ta Vivir), d'o film "Dirty Dancing" (Dance Bafuroso), con Bill Medley, y que tamién en treballó con Leonard Cohen u o mesmo Jackson Browne. Dimpués enfila Petisme a suya vista ta un viello prochecto muito deseyato: dedicar un disco a o director cinematografico Luis Buñuel. Asinas, publica en febrero de 2000 o disco-libro "Buñuel del desierto", ta continar con a "Gira de los Buñuelitos", siguindo os trangos de Buñuel cara t'as ciudatz an que i vivió. Empecipia ista chira en Calanda (Teruel) o 22 de febrero d'ixe mesmo anyo, cantando a suya canta "Los sueños se revelan" debant d'a viuda de John Lennon, Yoko Ono, o prencipe d'Asturias, Felipe de Borbón u a presidenta de l'"Academia del Cine de España" (Academia d'o Cine d'Espanya), Aitana Sánchez-Gijón, en os actos d'o centenario d'a naixencia de Luis Buñuel, an que tamién s'inauguró-ie o CBC u Centro Buñuel de Calanda. Seguntes Petisme, os actos bi estioron surrealistas por excelencia.

Dimpués de Calanda, Petisme contina a "Gira de los Buñuelitos" por Zaragoza, Madrit, París, y ciudatz de Francia, Alemanya u os Países Baixos, amás de belunas d'o estato espanyol, encara que a chira no pasa ni por Nueva York, ni por Los Angeles ni por Mexico D.F., an que i son as cenisas de Buñuel. En chunio de 2000 edita o libro de poemas "Buenos días, colesterol" (Buen día, colesterol), libro que será premiato dimpués.

En 2001 participa en conciertos contra o Plan Hidrolochico Nacional y o Trescole de l'Ebro. Tamién iste anyo reculle de l'AIPEP (Asociación Independiente de Periodistas, Escritores y Profesionales de Internet) (Asociación Independient de Periodistas, Escritors y Profesionals d'Internet) ex-aequo con Ángel Guinda, o "Premio al Mejor Escritor del 2000" (Premio a o Millor Escritor d'o 2000) por o libro "Buenos días, colesterol". Dimpués grabará o disco "Metaphora" y escribirá "El Profeta" (O profeta) t'o montache teatral "Pablo Gargallo, un grito en el desierto" (Pablo Gargallo, un chilo en o disierto).

En chinero de 2003 da o suyo refirmet'a "Plataforma de Mujeres Artistas" (Plataforma de Mullers Artistas) contra a violencia de chenero y s'esplaza t'os campamentos d'a chent saharaui acullita en Tinduf. En febrero, un mes antis d'a invasión, ye en Irak decindo no t'a guerra, dando-ie o suyo refirme t'a población civil y fendo un concierto por a paz en Bagdad. Fruito de tota ista experiencia será o suyo libro "El cielo de Bagdad" (O cielo de Bagdad), editato en 2004 por Xordica. Os beneficios d'iste libro son t'os hespitals y a población de Faluya, salvachement enrestita por l'exercito d'os Estatos Unitos. En setiembre enguera o prochecto musical "Sacco y Vanzetti".

En febrero y marzo d'o 2004 viacha t'a Palestina ta condenar a construcción d'o "Muro d'a Vergüenya" por parti d'Israel. I participa en bells conciertos. En zaguerías d'o 2008 reculle o "VII Premio Internacional Claudio Rodríguez" de poesía por o suyo libro "Cinta transportadora" (Cinta portiadora). En 2009 graba "Río Ebrio", esleito por a revista Efeeme un d'os 20 millors treballos de l'anyo. En noviembre de 2010 publica o disco "Under wood songs (canciones inéditas 1987-1989)/El océano de las Escrituras" (Cantas baixo as tablas -scenario- (cantas ineditas 1987-1989)/L'ocián d'as Escrituras).

En mayo de 2011 edita "Poemails (nuestra venganza de ser felices)" (Poemails (a nuestra venganza d'estar goyosos)).

• Premio Sial de poesía por Buenos días, colesterol (2000).
• Premio de la AIPEP al Mejor Escritor del 2000 (ex-aequo, con Ángel Guinda, por Buenos días, colesterol) (2001).
• VII Premio Internacional de Poesía Claudio Rodríguez por Cinta transportadora (2008).
• Premio Aragoneses en Madrid de la Fundación Aragonesista 29 de Junio (2010).

• Cosmética y terror, (Olifante, 1984).
• El Océano de las Escrituras, (Ediciones Libertarias, 1989).
• Habitación Salvaje, (Prensas Universitarias Zaragoza, 1990).
• Amor y cartografía (Lola editorial, 1993).
• Constelaciones al abrir la nevera, (Hiperión, 1996).
• El desierto avanza,(El Europeo, 1997).
• Buenos días colesterol, (Sial, 2000).
• ¿Sueña Dios con Buñueles eléctricos? (El sueño rojo de Buñuel), (Gubierno de Aragón, 2000).
• Cuatro días de alquiler, (Lola editorial, 2004).
• El cielo de Bagdad, (Xordica,2004).
• Soñar en Palestina, (La Torre degli Arabeschi, 2005).
• Insomnio de Ramalah, (Eclipsados, 2005).
• Teoría del color, (Antología 1977-2006) (Sial, 2006).
• Demolición del Arco Iris, (Baile del sol, 2008).
• Cinta transportadora (Hiperión,2009).
• El océano de las Escrituras, (re-edición enamplata y correchita) (El ángel caído, 2010).
• Poemails.Nuestra venganza es ser felices, (Ediciones Amargord, 2011).
• La noche 351, (Ediciones Hiperión, aviento 2011).
• Canciones. Del corazón a los labios, (Ediciones Hiperión,2012).
• Lupanar de Greenwich, (Los Imaginantes Ediciones,2012).
• Fast food for Freaks, (Desacorde ediciones,2014).
• El lujo de la tristeza,(Olifante,2014).

• La habitación salvaje, (1990).
• Turistas en el Paraíso, (1992).
• El Singapur, (1994).
• Bailando en campos minados, (1996).
• Cierzo (Viento en la sangre), (1997).
• Buñuel del desierto, (2000).
• La habitación salvaje/Mi zoo privado, (2001).
• Metaphora, (2003).
• Sacco y Vanzetti (chunto con o Mecánico del Swing), (2004).
• Amor entre las cuerdas, (2005).
• Éxitos secretos, (2006).
• AguaCero, (2008).
• Río Ebrio, (2009).
• Under wood songs (canciones inéditas 1987-1989), (2010).
• El ministerio de la felicidad, (2014).

• El agua para las ranas. Canciones por la dignidad de la montaña, (2004).
• Nueba cozina, disco homenache a Ixo Rai!, (2006).
• Abril ye transparent, de Os Chotos, (2010).

• (es) Pachina web d'Ángel Petisme
• (es) Ángel Petisme en a Gran Enciclopedia Aragonesa
• (es) Pachina d'a editorial Hiperión con os zaguers premiatos
• (es) Noticia en l'Heraldo de Aragón sobre o premio Claudio Rodríguez
• (es) Noticia d'o premio "Aragoneses en Madrit" en o diario "20 minutos"
• (es) Entrevista en El País (publicata o 26 de chunio de 2009)
• (es) Ángel Petisme en o blog d'a UCM (Universidad Complutense de Madrid)
• (es) Articlo en "lasemana.es" sobre o centenario de Luis Buñuel
• (en) Vidio d'a canta Call it a loan por Jackson Browne
• (en) Vidio d'a canta Call it a loan por Jackson Browne y David Lindley
• (es) A canta El juego que me perdió por Ángel Petisme y Jennifer Warnes
• (an) A canta Te debo una canción, en homenache a Ixo rai!
• (es) A canta Rasmia de Petisme con Labordeta, Aute y Natalia Farran
• (es) Vidio d'o Canto a la libertad de Petisme y Labordeta
• (es) A canta El tranvía verde
• (es) A canta Para Aragón con as parolas d'o poema de José Martí