André Lamborelle

André Lamborelle a skepyîli 25 d' awousse 1935 a Mont-dlé-Oufalijhe. Il a morou a 28 d' octôbe 2020 a Brussele.

C' est on grand bouteu pol walon.

Di s' mestî, il esteut prof di sgondaire (latén, grek, francès, espagnol, viyès culteures).

Il a askepyî u aidî mwintès copinreyes el Bijhe do Lussimbork : Oufalijhe, Manhé, Bastogne, Tchårnoe.

Il a eto scrît sacwants ptits bokets, eplaidîs dins Singulîs, Coutcouloudjoû, Li Rantoele, Li Chwès. C' est des arimeas eyet del prôze nén racontrece, sovint po pretchî pol wårdance do walon.

Il a stî eto prezinteu pol bate di tchansons et des shijhes walones po ls efants, eyet po Mamjhele Lingaedje, la k' il a ovré avou Jean-Philippe Legrand.

Il profite des fiesses ki fjhèt rviker l' tins passé, po stitchî do walon dvins. Metans, tins des rifjhaedjes di l' awousse a Lontchamp-dlé-Bastogne et a Swè.

Si a-t i metou des plakes e walon astok des viyès usteyes do Muzêye di Wene, avou Jean-Marie Lecomte, Jules Hurdebise, Jean-Marie Dehaleux, Pierre André, Léon Sépulcre, Raymont Collin, Joseph Baccus, Joseph Docquier, Willy Seffer, evnd.

• (e 2002)

• come veyou dins Titorval

• prezintant ene bate di djhaedjes d' arimés

• Lire le média

  responda so ces bates di recitaedje la (I)

• Lire le média

  responda so ces bates di recitaedje la (II)

André Lamborelle n' esteut nén tchôd pol rifondaedje do walon, mins i ricnoxheut ki les rfondeus estént des djins ki cnoxhént foirt bén leu lingaedje. Si ovra-t i voltî di tenawete avou zels (Lucyin Mahin, Pablo Sarachaga).

Deus fiesses : ene do ût di djulete a Oufalijhe, al fiesse do Park naturel des Deus Oûtes(contes e walon) èt l'ôte d'awousse, li dimegne 20 a 15 eures, vizite di l' aclevaedje des pexhons a Achoûfe et del fosse dès bives a Wibrin et Fièsse a Animalêne (a Bjhåri avou contes, tchansons, blagues et amagnî dispu di 18 eures disk' a 22 e. al nute.

Åk di foirt bén ossu ki dj' a apontyî a T.V. Lux avou des efants et des djonnes, c' est des prezintåcions di plaijhantstecses ki mousront foû do 1î å 20 di djulete so l' tite: "Li walon po et avou les djonnes å [[tey"te e walon|teyåte] ete scole".

Dj' a enondé, avou, ene novele copinreye a Måtche avou li mayeur et l' cinte culturel li 11 di setambe a 19e.30. Dji vierans çou ki ça va dner po les moes shuvants et après.

Li 13 d' octôbe, li semdi walon a Bastogne avou l' copinreye a 15 eures, li messe a 18 eures et l' cåbaret a 20 eures.

Co çouci: li Fiesse do walon po et avou les efants si frè e 2008 a Måtche e Cinte culturel li dimegne 20 d'avri.

• Pådje da l' Andrî Lamborele so l' Aberteke
• Li Wiccionaire si rsieve di sacwantès fråzes da André Lamborelle po-z enimådjî des mots k' i gn a.
• Vos trouvroz des racsegnes so les ouves da André Lamborelle, u les ouves zeles-minmes, so Wikisourd e walon.
• Ene pådje e mwaisse sicrijhaedje (sol waibe "Li walon d' emon nozôtes")

1. ↑ Emile evoyî a Lucyin Mahin li 25 d' awousse 2007.