Quick Facts
AriesBiography
Անդրանիկ Հովհաննիսյան (ապրիլի 6, 1976(1976-04-06), Երևան, Հայկական ԽՍՀ, ԽՍՀՄ), հայ դիվանագետ, արևելագետ, արաբագետ: Պատմական գիտությունների թեկնածու: Ունի արտակարգ դեսպանորդ և լիազոր նախարարի դիվանագիտական աստիճան:
Կենսագրություն
Անդրանիկ Հովհաննիսյանը ծնվել է 1976 թվականին, Երևանում: 1993-1998 թվականներին սովորել է ԵՊՀ արևելագիտության ֆակուլտետի արաբագիտության բաժնում, 1996-1997 թվականներին՝ Կահիրեի համալսարանի արաբերեն լեզու և գրականություն ֆակուլտետում, 1999-2001 թվականներին՝ ԵՊՀ արևելագիտության ֆակուլտետի ասպիրանտուրայում, 2000 թվականին՝ Թաֆթս համալսարան Ֆլեթչերի իրավունքի և դիվանագիտության դպրոցում:
1999-2000 թվականներին եղել է ՀՀ ԱԳՆ հասարակայնության հետ հարաբերությունների վարչության լրատվամիջոցների հետ կապի բաժնի կցորդ, 2000-2004 թվականներին՝ Սիրիայում ՀՀ դեսպանության կցորդ, 2004-2006 թվականներին՝ ՀՀ ԱԳՆ ՍՎՄԱ վարչության ռազմաքաղաքական համագործակցության բաժնի 3-րդ քարտուղար, 2006-2009 թվականներին՝ ԵԱՀԿ-ում ՀՀ մշտական ներկայացուցչության 2-րդ քարտուղար, 2009-2010 թվականներին՝ ՀՀ ԱԳՆ Եվրոպայի վարչության Եվրոպայի խորհրդի բաժնի 1-ին քարտուղար, 2010-2012 թվականներին՝ ՀՀ ԱԳՆ Եվրոպայի վարչության ԵԱՀԿ բաժնի վարիչ, 2012-2014 թվականներին՝ ԱՄՆ-ում ՀՀ դեսպանության խորհրդական, դեսպանի տեղակալ, 2014-2019 թվականներին՝ ՀՀ Արտաքին Գործերի նախարարի խորհրդական: 2019 թվականի ապրիլին նշանակվել է Ժնևի Միավորված ազգերի կազմակերպության գրասենյակում և այլ միջազգային կազմակերպություններում ՀՀ մշտական ներկայացուցիչ (նստավայրը` Ժնև), 2019 թվականի հունիսին նշանակվել է Շվեյցարիայի Համադաշնությունում ՀՀ արտակարգ և լիազոր դեսպան (նստավայրը` Ժնև):
Ընտանիք
Ամուսնացած է, ունի երկու որդի և երկու դուստր:
Ծանոթագրություններ
- ↑ Ն.Գ. Պարոն Անդրանիկ ՀՈՎՀԱՆՆԻՍՅԱՆ, Շվեյցարիայում Հայաստանի Հանրապետության արտակարգ և լիազոր դեսպան
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2019-11-05 CS1 սպաս․ հայերենը նշված է (link)
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2019-11-05 CS1 սպաս․ հայերենը նշված է (link)
- ↑ Շվեյցարիայում ՀՀ դեսպան Անդրանիկ Հովհաննիսյանն իր հավատարմագրերը հանձնեց Շվեյցարիայի Համադաշնության նախագահին