Ananggawarman

Ananggawarman adolah surang putra mahkota (yuvaraja) karajaan Malayupura, nan bakuaso pado akia abaik ka-14. Karajaan Malayupura bapusek di dataran tinggi Minangkabau dan kakuasoannyo mancakuik sabagian gadang pulau Sumatera bagian tangah. Namo Ananggawarman tatulih di Batu basurek Saruaso II sabagai anak dari Maharajo Adityawarman (bakuaso 1347–1375). Indak jaleh bana kapan Ananggawarman mulai batahta manggantian apaknyo, tapi dalam kitab sijarah dinasti Ming ado tatulih baso karajaan mangirim utusan ka Cino taun 1376.

Ananggawarman disabuikan pulo dalam batu basurek bagala Hewajra nityasmrti, nan manunjuakan baso agamo nan dianuiknyo samo jo apaknyo, yaitu Budha Tantrayana. Iko manunjuakan baso para panguaso di Sumatera manganuik ajaran Budha esoteris saindaknyo inggo abaik ka-14.

Pado maso tu juo dipakiroan baso padagangan antaro Sumatera jo India Salatan alah bajalan dengan baiaknyo dan ado cukuik banyak padagang India Salatan nan manatap di Minangkabau, dek ado ciek batu basurek nan tatulih dalam duo uruf, yaitu uruf Kawi dan uruf Grantha.

Satalah maso Ananggawarman, catatan sijarah tantang Minangkabau indaklah ditamuan lai salamo satu satangah abaik, inggo kadatangan Tomé Pires patualang Portugis nan manulih dalam Suma Oriental sakita 1513-1515. Sudah tu kakuasoan karajaan (nan kini disabuik Pagaruyuang) samangkin malamah inggo daerah-daerah pasisianyo sarupo Kampar, Indragiri, jo Siak dirabuik dek Kasultanan Aceh jo Kasultanan Malaka, dan jadi daerah nan mardeka.

• Adityawarman
• Karajaan Pagaruyuang

• Prasasti Saruaso II, dek Dodi Chandra, Arkeologi UI