Amund Bjørgen

Amund Bjørgen (fødd 1941) er ein norsk folkemusikar og felespelar frå Garmo i Lom kommune.

Bjørgen har lenge vore aktiv i folkemusikkmiljøet i Noreg, og har vunne Landskappleiken heile sju gonger på vanleg fele. Fyrste gongen var i 1966 og siste gongen i 1994. Bjørgen har også delteke på fleire plater med tradisjonelle norske slåttar. I 1993 gav han ut Slåttemusikk frå Lom saman med Bjørn Odde. Plata vann Spellemannprisen 1993 i klassen Folkemusikk/Gamaldans.