Quick Facts
Biography
Alwin Kuhn, naixito de Berlín (Imperio alemán, hue Alemanya) o 13 de chinero de 1902 y muerto en Innsbruck (Austria) o 30 de chunio de 1968, estió un destacato filologo y lingüista alemán adedicato a l'estudeo d'as luengas romances y que gosa estar conoixito en Aragón por a suya relación con l'idioma aragonés en estar l'autor de Der hocharagonesische Dialekt, publicata en 1935 dimpués d'os suyos treballos de campo por l'Alto Aragón.
Dimpués de graduar-se en Chemnitz y de treballar dende 1921 dica 1926, Kuhn estudeó dende 1927 dica 1931 Filolochía Romanica y Filolochía Anglesa en as universidatz de Tübingen (con Gerhard Rohlfs), Bonn (con Wilhelm Meyer-Luebke) y Leipzig (con Walther von Wartburg y Frings Theodor). En 1931 se doctoró en a Universidat de Wartburg con a suya tesi Die französische Handelssprache im 17. Jahrhundert ("O francés comercial mientres o sieglo XVII", publicato en Leipzig en 1931) y fació a suya habilitación en 1935, tamién en Leipzig, con a obra Der hocharagonesische Dialekt. Estió succesivament profesor en l'Albert-Ludwigs-Universität Freiburg, a Universidat de Marburgo y a Universidat d'Innsbruck, ciudat a on morió.
Obras
- 1935: Der hocharagonesische Dialekt, Leipzig ("O dialecto altoaragonés").
- 1950: El aragonés, idioma pirenaico, Madrit ("L'aragonés, idioma pirenenco").
- 1951: Die romanischen Sprachen, Berna ("As luengas romances").