Quick Facts
Biography
Alfred Neufort, pus sovint lomé Freddy Neufort, c' esteut on scrijheu e walon di Mont-dzeu-Mårciene, la k' i skepia li 6 d' avri 1895.
Il cminça a scrire e 1908 (a 23 ans) dins «l' cok d' awousse» dizo l' no d' pene «Fred Lescolî».
Il eplaidive voltî ses tecses dins l' Bourdon dins les anêyes 1960. Mins dvant, dedja dins l' Tonea d' Tchålerwè, «L' Agaesse» et l' Hoûlåd.
Il a fwait sacwantès tchansons avou Françwès Loriaux. Pu po Bob Dechamps, eredjistrêyes so des 45 toûs.
Sacwants rlomêyès tchansons da sinne
- Å botike del pitite Manmance (muzike da J. Reiniers)
- El viye caftire (muzike da Octave Grillaert)
Pîces di teyåte
- El finiesse essôrçulêye (1 ake)
- Zirêye va-st al pladje (1 ake)
- L' eure d' ådjourdu(1 ake, 1926)
- Èn ome vikéve ureus 3 akes, 4 tåvleas.
Ôtes sicrijhaedjes
Ene trintinne di rvuwes.
Senarioûs di deus fimes walons : «Monsieu Filodjinne» (Mossieû Philogène) eyet «A bon mayeur, bon tchampete», les deus pol cineyasse René Richir.
Sacwants d' ses sketchs ont stî eredjistés po-z esse djouwés dins l' posse.
E 1933, i saya d' eplaidî ene gazete e walon, L' Arnaga, mins ki n' vica ki disk' e 1934.
Djudjmint
Félicyin Barry : Après ses cminces e 1908, Fredi Noufoirt va divni ene vraiye «machine a produre» des rvuwes, des tchansons, des sketchs, des pîces di teyåte, des powinmes et minme des senarioû d' fime.
Sourdants
- ↑ Félicyin Barry Septante sicrijheus e walon do Payis Noer, 1958, p. 52
