Quick Facts
Biography
Алексей Алексеев (Алексей Геннадьевич Алексеев) (1974 Шыжа 16, Йошкар-Ола) — марий серызе, кинорежиссёр, актёр.
Ӱмыргорно
Алексей Геннадьевич Алексеев — 16 октябрьыште 1974 ийыште Йошкар-Олаште, Марий Элыште шочын.1990 ийыште Национальный президент интернат-школым тунем пытарен. 1990-1994 ийлаште И.С.Палантай лӱмеш республикысе тӱвыра да сымыктыш колледжыште театр пӧлкаште шинчымашым налын. Колледжыште тунеммыж годымат, варат Марий самырык театрыште актерлан пашам ыштен. Тыгак Алексей Алексеевын мурыжо-влак шке семыш дене куандарат.
1994 ийыште Марий Эл правительствын направленийже почеш Эстонийыш тунемаш логалын. 1994-2000 ийлаште Таллинн университетысе тӱвыра факультетын фильм да видео пӧлкаште тунеммеке, документальный кинон режиссёржо дипломым налын. Диплом пашаже – Эстонийысе «Эстинфильм» кинокомпанийыште ышталтын.
В 2003 ийыште «Этномедий» кинокомпанийым ыштен. 2008 ийыште искусствоведений магистр дипломым – кино да медиа сымыктыш дене Балтийский школышто арален. Алексей Алексеев видео специалистлан Таллинн университетысе инфотехнологий пӧлкаште пашам ышта да эше Сауэ гимназийыште аудиовизуальный видеоурок-влакым вӱда.
Тудо ятыр этнографический фильмым войзен: «Шемъер» (1997) «Морко сӱан» (1998), «Чумбылат курык» (2000), «Мыры айо» (2005), «Кӱсӧ памаш» (Урал марий-влак нерген, 2009), «Мӱкш отар» (2010), «Акпатыр чочой» (Киров марий-влак нерген, 2011), «Сӱрем» (Моркышто эртаралтше Сӱрем нерген, 2013) «Шкетанын мландышытыже» (Шкетанын илышкорныжо нерген, 2014), «Угинде» (Татарстныште илыше марий-влак нерген, 2016) да молат.
Кажне фильмже кинофестивальыште таҥасен да тӱрлӧ элыште ончыкталтын. Мер илышыштат Таллин Марий ушемын еҥже улеш да марла куштымаш мастер-класс-влакым тӱрлӧ вере эртара.
Алексей Алексеевын мурыжо-влак
1990-1994 ийлаште Марий Самырык театрыште пашам ыштыме годым Алексей Алексеев театрын концерт прграммылан муро-влакым возен. Муро-влакым возаш композитор Юрий Евдокимов ден Алексей Яшмолкин туныктеныт. Кызыт Алексей Алексеевын тыгай муро-влак улыт: «Пампалче» (1991), «Памаш вӱдем» (1992), «Кӱдыроҥгыр» (1992), «Пызле кичке шер» (1993), «Пеледышан шовыч» (1993), «Кушталте» (1994), «Саскавий» (2013), «Чоҥештем» (2016).
И.С.Палантай лӱмеш республикысе тӱвыра да сымыктыш колледжыште Алексей Алексеев вокалым туныкткшо Олейникова Фаина Яковлевна дене тунемын. Олейникова Фаина Яковлевна дене тунемыныт: актер-мурызо Иван Смирнов, мурызо Лариса Сидоркина да молат.