Quick Facts
Biography
Аляксандр Пятровіч Авечкін (8 верасня 1926, Пуціўль, Сумская вобласць, Украіна — 19 чэрвеня 1998, Віцебск) — Герой Сацыялістычнай Працы (1986), заслужаны работнік прамысловасці БССР (1976). Лаўрэат прэміі Савета міністраў СССР (1979). Удзельнік Вялікай Айчыннай вайны.
Біяграфія
Скончыў Кіеўскі політэхнічны інстытут у 1957 годзе. Працаваў на Віцебскім заводзе радыёдэталяў «Маналіт» з 1957 года: інжынер, начальнік лабараторыі, начальнік АТК, галоўны інжынер, з 1966 — дырэктар, у 1971—1987 гг. — Генеральны дырэктар Віцебскага вытворча-тэхнічнага аб’яднання «Маналіт».
Звання Героя Сацыялістычнай Працы ўдастоены за вялікі асабісты ўклад у выкананне вытворчых заданняў 11-й пяцігодкі. Ганаровы грамадзянін Віцебска (1987). На доме, дзе ён жыў (д. 1А, вул. Леніна), устаноўлена мемарыяльная дошка.
Літаратура
- Витебск: Энциклопедический справочник. / Гл. редактор И. П. Шамякин. — Мн.: БелСЭ им. П. Бровки, 1988. — С. 264. — 408 с. — 60 000 экз. — ISBN 5-85700-004-1
Спасылкi
Аляксандр Пятровіч Авечкін на сайце «Героі краіны»