Aleksey Tadevosyan

Ալեքսեյ Թևանի Թադևոսյան (նոյեմբերի 20, 1929(1929-11-20), Քաջարան, Սյունիքի մարզ, Հայաստան, ԽՍՀՄ), հայ դեղաբան: Բժշկական գիտությունների դոկտոր (1986), պրոֆեսոր (1987):

Ալեքսեյ Թադևոսյանը ծնվել է 1929 թվականի նոյեմբերի 20-ին, Օխչի գյուղում (այժմ՝ Քաջարան, ՀՀ Սյունիքի մարզում): 1966 թվականին ավարտել է Երևանի բժշկական ինստիտուտը: 1966 թվականից աշխատում է Երևանի բժշկական ինստիտուտի դեղաբանության ամբիոնում: 1983-1987 թվականներին եղել է արտասահմանցի ուսանողների ֆակուլտետի դեկան, 1987-1991 թվականներին՝ սանիտարահիգիենային ֆակուլտետի դեկան, 1991-2005 թվականներին՝ ուսումնական մասի վարիչ:

Աշխատանքները վերաբերում են ստամոքսի և տասներկումատնյա աղիքի խոցի վրա կենսաբանորեն ակտիվ նյութերի և սինթետիկ նյարդահակ դեղապատրաստուկների ազդեցության հարցերին:

• Тадевосян А. Т., Механизмы противоязвенного действия медиаторных аминокислот и их эндогенных метаболитов, Ереван, 1989 (համահեղինակ):

• Айриян А. П., Армянские учёные-медики, Ереван, 1998.