Alberte Mera

Alberte Mera García, nado en Vigo o 9 de maio de 1987, é un xornalista, director e político galego.

Licenciado en Comunicación Audiovisual (guión e dirección) pola Universidade de Vigo e de Santiago, especializouse con estudos de máster en comunicación e industrias creativas. Dirixiu as longametraxes documentais sobre procesos mobilizadores en Galiza: Clamor da Terra (2012) e Lume Novo (2013). Foi membro do grupo audiovisual Ollo de Vidro e actualmente traballa no eido da información, márqueting e comunicación dixital.

Foi responsábel dos CAF no campus de Pontevedra e de Galiza Nova, da que foi elixido secretario xeral o 18 de novembro de 2012, no marco da XII Asemblea Nacional. En 2016 foi elixido membro da Executiva do BNG. Deixou a secretaría xeral de Galiza Nova en novembro de 2016 e foi substituído por Alberte Fernández Silva.

Dirixiu no ano 2019 a longametraxe documental Reboiras. Acción e corazón (2020), que retrata a vida de Moncho Reboiras.

Como xornalista escribe en Nós Diario, traballou en Atlántico Diario e Xornal de Galicia e colabora con revistas como A Movida e Terra e Tempo.

• Clamor da Terra (2012)
• Lume Novo (2013)
• Reboiras. Acción e corazón (2020)

• "Fendetestas e a obra de Flórez como base para un cinema nacional nos anos 70". O home que quixo crear. Literatura, xornalismo e cinema na obra de Wenceslao Fernández Flórez (PDF). Vía Láctea Editorial. 2017. pp. 203–213. ISBN 978-84-89444-70-6. 

Ligazóns externas

• "Documental "Clamor da Terra" (2012)". 
• "Documental "Lume Novo" (2013)". 
• "Reboiras. Acción e corazón (2020)".