Aksel Irgens

Aksel Irgens (16. juli 1863–18. april 1928) var ein norsk forretningsmann og stortingsrepresentant frå Bergen. Ole Irgens var far hans.

Irgens gjekk på Tanks skole i heimbyen og tok i 1880 eksamen frå Hambro handelsskole. Han arbeidde fyrst på kontoret til farbroren H. Irgens i Bergen. Saman med sin fetter Ole Irgens tok han i 1899 over forretninga, som dreiv med handel og skipsreiarlag, under firmanamnet O. & A. Irgens.

Aksel Irgens var medlem av formannskapet i Bergen bystyre 1902-07. Perioden 1910-12 representerte han partiet Høgre og einmannskrinsen Nygaard på Stortinget. På tinget var han medlem av Lagtinget og sekretær i jarnbanekomiteen. Då aksjelova var oppe til drøfting i 1910 var han med i den utvida justiskomiteen.

• Lindstøl, Tallak:Stortinget og Statsraadet 1814-1914. Kristiania, 1914