Quick Facts
Aquarius
Biography
K.H. Ahmad Zuhdiannoor (diranakakan di Alabio, 10 Pibuari 1972 – habis umur di Jakarta, 2 Mai 2020 pas umur 48 tahun) atawa Guru Zuhdi/ Abah Haji adalah ulama kharismatik nang baasal matan Kalimantan Salatan.
Pandidikan
Pada mulanya, inya suah balajar di Punduk Al-Falah imbah tuntung matan Sakulah Dasar wan baguru lawan abahnya, K.H. Muhammad bin H. Jaferi al-Banjari, Pimpinan Pondok Pesantren Al Falah Banjabaru tahun 1986-1993. Salain baguru lawan sang abah, sidin sampat manimba ilmu satumat di Pondok Pesantren Al Falah Banjarbaru. Maraga rancak gagaringan, sidin ampih, wan malanjutakan palajaran lawan kayi sidin di Alabio, KH Asli. Limbah kayinya habis umur, sidin malanjutakan pandalaman ilmunya ka Guru Abdus Syukur bin Jamaluddin atawa Muallim Syukur di Taluk Tiram, Banjarmasin. Limbah Muallim habis umur, Guru Zuhdi manarusakan balajarnya ka Syekh Muhammad Zaini bin Abdul Ghani atawa Guru Sekumpul.
Dakwah
Inya suah mangajar di Pondok Al-Falah, Banjarbaru selama dua tahun. Inya jua rancak maisi majalis taklim di Masigit Jami Banjarmasin, Masigit Raya Sabilal Muhtadin, Kota Citra Grha Banjarbaru, Masigit Ar-Raudhah Sungai Andai, Langgar Darul Iman di Taluk Dalam, wan wadahnya di balakang Masigit Jami Banjarmasin.
Jujuhutan
