Quick Facts
Biography
Ադրինե Հակոբի Տատրյան (դեկտեմբերի 26, 1913(1913-12-26) կամ 1915, Չորում, Թուրքիա - փետրվարի 21, 2002(2002-02-21), Նիս), հայ գրող, արձակագիր։
Կենսագրություն
Ադրինե Տատրյանը ծնվել է 1915 թ. Սեբաստիայի նահանգի Չորում գյուղում: 1926 թվականին ավարտել է Կոստանդնուպոլիսի Գատգյուղի Արամյան վարժարանը, այնուհետև մեկ տարի սովորել Նոտր դամ դը Սիոն ֆրանսիական դպրոցում։ 1967 թվականից ապրել է Փարիզում, 1974 թվականից՝ Նիցցայում։ Վաղ հասակից թղթակցել է սփյուռքահայ հասարակական, քաղաքական ու գրական հանդեսներին։ Խմբագրել է «Պարտեզ» ամսաթերթը։ Երկրորդ համաշխարհային պատերազմի (1939-1945) տպավորություններն են արտացոլված «Մարդկային հուշագրություններ» շարքում, որը պարբերաբար տպագրվել է «Ժամանակ» թերթում (1945)։ Հրատարակվել են Տատրյանի «Մայթերուն վրա» (1955), հիտլերականների ոճրագործությունները պատկերող «Գեհենի ճամբուն վրա» (1966), «Չորրորդ մը կը փնտրվի» (1971) և «Հեղինակ, կեցի՝ր» (1980) վեպերը։ Գրել է նաև պիեսներ։
Մահացել է Ֆրանսիայի Նիս քաղաքում:
Գրականություն
- Հովակիմյան Բ.Մ. Հայոց ծածկանունների բառարան, 2005: էջ 730
Ծանոթագրություններ
- ↑ «Bibliothèque de l'Église apostolique arménienne - Paris - Տատրեան , Ատրինէ»։ www.bibliotheque-eglise-armenienne.fr։ Վերցված է 2018-12-26
- ↑ «Ով ով է: Հայեր» հանրագիտարան, հատոր երկորդ, գլխավոր խմբագիր Հովհ. Այվազյան, Հայկական հանրագիտարան հրատարակչություն, Երևան, 2007:
- ↑ «Կոհա առցանց քարտարան, Տատրյան, Ադրինե Հակոբի»։ haygirk.nla.am (hy-Armn)։ Վերցված է 2018-12-26
- ↑ «AV Production - Ադրինե Տատրյան»։ avproduction.am։ Վերցված է 2018-12-26
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։  |