Quick Facts
Biography
Adriaan Hendrik Boshoff (1935 – 18 April 2007) was 'n Suid-Afrikaanse skilder. Hy was een van Suid-Afrika se grootste impressionistiese kunstenaars. Hy het geen formele kunsonderrig gehad nie en was ’n produktiewe skilder van landskappe, seelandskappe, stillewes en figure.
Vroeë lewe
Hy is in Pretoria gebore waar hy deur sy ouma grootgemaak is. Hy het skool op 14-jarige ouderdom verlaat om as ’n elektrisiën in ’n vakleerlingskap te gaan.Boshoff het van sy kinderjare af ontspanningsgewys geskilder, maar het eers in 1960 besluit om dit as ’n beroep te beoefen.
Loopbaan
Hy was bekend as teruggetrokke en baie perfeksionisties oor sy werk. Sy kunsstyl is beïnvloed deur Europese impressioniste soos Laura Knight, Berthe Morisot en Mary Cassatt.
Deur die loop van sy loopbaan het hy meer as vyf en twintig solo-uitstallings gehou.
Latere lewe
Hy het in sy latere jare ’n toegewyde Christen geword, en het in ’n nuwe ateljee gewerk wat vir hom gebou is by sy dogters se plattelandse huis naby Hartbeespoortdam.
Verwysings
Bron
- Bibliography L. Boshoff, Adriaan Boshoff: The man and his work, (Pretoria, 2012), bl. 39