Quick Facts
Biography
Adam Mucci ye un actor d'Estaos Xuníos.
Premeros años
Mucci nació n’Hoboken, Nueva Jersey, y creció en Hasbrouck Heights, NJ. Xugó fútbol americanu y tenis na Universidá del estáu de Western Connecticut y formó parte del equipu universitariu de dambos deportes, mientres esa dómina tamién actuaba n'obres del institutu. La so hermana, Stacey Raymond, tamién se dedica a l'actuación.
En 1996 graduóse na Rutgers Mason Gross School of the Arts. Pero a los 23 años d'edá, cuando conoció a Gary Epstein, el so representante y amigu, Epstein díxo-y que yera un actor de calter que probablemente nun trabayaría hasta dientro de 10 o 15 años. "Precisaba dellos años na mio cara pal tipu de personaxe qu'interpretó", declaró Mucci. Mentanto, mientres ocho años y mediu, trabayó como guardia de seguridá nel Centru Mélicu de la Universidá de Hackensack, como camareru y vendiendo maquinas de xelaos.
Carrera
El papel que lu dio a conocer como actor foi'l del axente Harold Reinecke na película Public Enemies (2009) de Michael Mann. Amás hai filmado alredor de 60 comericiales pa televisión y tuvo papeles como convidáu en series como Law & Order: Criminal Intent y Blue Blood. Tamién trabayó xunto a Al Pacino na película de HBO You Don't Know Jack (2010).
Mientres se disponía a viaxar a Los Angeles p'asistir a la premiere de Public Enemies, recibió una llamada del so representante sobre un papel nel episodiu piloto de la serie Boardwalk Empire empobináu por Martin Scorsese. L'episodiu empezaba en Nueva York un día dempués de la premiere. La direutora de casting, Ellen Lewis, díxo-y: "Si voi encamentate pal papel, nun puedes dir a la premiere"; Mucci nun viaxó a Los Angeles y depués declararía: "Creo que tomé una bien bona decisión". Na serie interpreta a Deputy Raymond Halloran, el secuaz del Xérif Eli Thompson (Shea Whigham), "básicamente, él fai lo que lu ordenar y busca avanzar", diz Mucci sobre'l so personaxe.
Mucci actuara en dos episodios de The Sopranos, otra serie de HBO, interpretando a Eric DeBenedetto, el que se casa cola fía de Johnny Sack. Pa Boardwalk Empire tamién fixo pruebes pa los papeles de Van Alden, "Big Jim" Colosimo y Johnny Torrio, enantes de consiguir el papel de Halloran.
Filmografía
Películes
- Bad Vegan and the Teleportation Machine (2016)
- Bronx Warrants (telefilme, 2012)
- Men in Black 3 (2012)
- You Don't Know Jack (telefilme, 2010)
- Public Enemies (2009)
- Will Ferrell: You're Welcome America - A Final Night with George W Bush (telefilme, 2009)
- Revolutionary Road (2008)
- Descent (2007)
- Little Children (2006)
- The Thing About My Folks (2005)
- It Runs in the Family (2003)
- The Family Man (ensin acreitar, 2000)
Series de TV
- Boardwalk Empire (2010-2011)
- Blue Bloods (2010)
- Law & Order: Criminal Intent (2009)
- The Sopranos (2006)
- Chappelle's Show (2003)
- Law & Order: Special Victims Unit (2002)
- Law & Order (2001)
- Third Watch (2000)
Referencies
Enllaces esternos
- Ficha de Adam Mucci na Internet Movie Database (n'inglés)