Abdur Razzaque Jhinjhanvi

عبد الرزاق جھنجھانوی (884–949ھ / 1424–1518ء) ایک ہندوستانی عالم، صوفی اور مصنف تھے۔

عبد الرزاق جھنجھانوی 884ھ (بہ مطابق 1424ء) کو جھنجھانہ، ضلع مظفر نگرمیں پیدا ہوئے تھے۔

ان کا سلسلہ نسب یوں ہے: عبد الرزاق بن احمد رازی بن محمد فاضل بن عبد العزیز بن نور بخش بن کمال الدین دانشور بن ابو سعید الرازی بن میر احمد رازی بن سلطان ابو سعید بن سلطان ابو اسحاق بن سلطان محمد شریف بن سلطان میر جان شاہ بن سلطان فرخ شاہ بن امیر ارسلان بن شاہ علی سرمست بن شاہ حسین فردوس بن شیح ابا یزید بن محمد فرید بن حسن بن میر علی زمن بن محمد باقر بن ابو بکر بن ابو المعالی بن ابو القاسم بن شریف البرکات بن علی اکبر بن علی اعظم بن ضیاء الدین بن نور الدین طوسی بن علی احمد کوفی بن شیخ حق مبین بن حسن جائسی بن حنفیہ بن محمد الاکبر بن علی کرم اللہ وجہہ۔

یہ نور محمد جھنجھانوی کے اجداد میں سے ہیں۔

انھوں نے چند کتابیں جلال جھنجھانوی سے پڑھیں، علم کی جستجو لیے پانی پت اور دہلی کا سفر کیا اور شیخ الہ داؤد کے پاس پانچ سال رہ کر تمام درسی کتابیں پڑھیں، تحصیل علم کے لیے کالپی اور کورہ میں بھی رہے اور اس کے بعد تیس سال تک درس و تدریس کی خدمت انجام دی۔ انھوں نے محمد بن الحسن عباسی جونپوری سے قادریہ سلسلے میں خصوصی استفادہ کیا اور سلسلۂ چشتیہ میں شیخ نور بن حامد حسینی مانکپوری سے بیعتِ خلافت سے سرفراز کیے گئے۔

ان کا انتقال رجب 949ھ (بہ مطابق 1518ء) کو جھنجھانہ میں ہوا اور وہیں پر سپرد خاک کیے گئے۔

مآخذ

کتابیات

• عبد الحئی حسنی (1999)۔ نزهة الخواطر و بهجة المسامع والنواظر (جلد اول) (بزبان عربی) (پہلا ایڈیشن)۔ بیروت، لبنان: دار ابن حزم