Zoja Vasilevna Bernikova

Зоя Берникова (Зоя Васильевна Берникова) (1958 шорыкйол 22, РСФСР, Марий АССР, У Роҥго кундем, Ямайсола ял) — марий мурызо, артистка, Марий АССР-ын сулло артистше (1987), Марий Эл Республикын Калык артистше (1998).

Илыш корныжо

Зоя Берникова 1958 ийын шорыкйол тылзын 22-шо кечынже Марий АССР У Роҥго кундем Ямайсола ялеш шочын. 8 классан школым тунем пытарымеке Моско велысе Егорьевский ткацкий комбинатыште пашам ыштен. Вара Йошкар-Оласе культпросветучилищым тунем пытарен. Республикын Кӱшыл Каҥаш Президиумын Кӱштыкшӧ почеш 1998 ийын шыжа тылзын 7-ше кечынже Зоя Берниковалан Марий Эл Республикын Калык артистше чап лӱмым пуэныт.

1980-ше ий гыч «Марий Эл» кугыжаныш ансамбльын мурызо – вокалисткыже.

Усталык паша

Йӱкшӧ — сопрано.

Чап

• Марий АССР-ын сулло артистше (1987).
• Марий Эл Республикын Калык артистше (1998).

Кылвер-влак

• Юбилейный вечер Зои Берниковой.(руш)

Литератур

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. — Йошкар-Ола, 2007. С. 48.